تورکیه مطبوعاتی اؤزتی 07.06.2017
خبر تورک: "روسیایا دری ایخراجاتی یوزده 73 آرتدی"
تورکیه مطبوعاتی اؤزتی 07.06.2017
صاباح: "پرزیدنت اردوغان: قطره تحریملر دوغرو دئییل"
پرزیدنت رجب طیب اردوغان، آنکارادا وظیفه ائدن سفیرلیکلره، دونن آخشام عدالت و اینکیشاف پارتیسیندا (آک پارتی) ایفطار یئمگی وئردی. سفیرلرله ایفطار گؤروشمهسینده ائتدیگی دانیشمادا قطر مسئلهسینه (قطره ایستیقامتلی سعودی عربیستانینین لیدرلیک ائتدیگی و کؤرفز اؤلکهلرینین تطبیق ائتدیگی سیاسی و اقتصادی تحریمه) دقت چکن پرزیدنت اردوغان، "قطره قارشی باشلادیلان تحریملری دوغرو بولمادیغیمیزی ایفاده ائتمک ایستییرم" دئدی. قطرین اورتایا قویدوغو سویوققانلی و مثبت توتومو تقدیرله قارشیلادیقلارینی دا ایفاده ائدن پرزیدنت، "قطرین بیر ترور شوبههلیسی اولاراق توضیح ائدیلمهسینی حقیقتن چوخ آغیر اتهام اولاراق گؤرورم. بورادا فرقلی بیر اویون اوینانیر اما بو اویونون آرخاسیندا کیملر وار، هله تثبیت ائدهبیلمیش دئییلیک" دئدی .
وطن: "چالیشان آدام باشینا اوره تیم یوزده 4،04 آرتدی"
علم، صنایع و تکنولوژی ناظیرلیگی معلوماتلارینا گؤره، چالیشان آدام باشینا اورهتیم اندکسی، عمومی صنایعده بو ایلین ایلک روبعونده بیر اوّلکی دؤوره گؤره یوزده 4،04 آرتاراق، 111،58 دگرینه یوکسلدی. تقویم تأثیریندن تمیزلنمیش عمومی صنایع چالیشان آدام باشینا اورهتیم اندکسی کئچن ایلین عینی دؤورونه گؤره یوزده 3،96 آرتیم قید ائتدی. سؤز موضوعسو دؤورده چالیشیلان ساعت باشینا اوره تیم اندکسی ده یوزده 4،12 یوکسلدی.
خبر تورک: "روسیایا دری ایخراجاتی یوزده 73 آرتدی"
ایستانبول دری و دری اوره تیم ایخراجاتچیلاری بیرلیگینین دستکلریله تشکیل ائدیلن دری و خز سرگیسیLeather&Fur Fashion Show) ) آنتالیادا باشلادی. باشقانی مصطفی شئنوجاک، روسیایا دری ایخراجاتینین کئچن ایله گؤره یوزده 73 آرتدیغینی سؤیلهدی. سرگییه، روسیا اولماقلا اینگیلتره، نوروژ، ماجاریستان، اوکراین، قازاقیستان، لتونی، لیتوا و بلاروسدان 750 آدام قاتیلدی.
یئنی شفق: "آجلیقدان اؤلورم حقیقتن!"
یئر اوزو دوکتورلاری، غیری-کافی بسلنمه، قوراقلیق و یوخسوللوقلا موباریزه ائدن آفریقا اؤلکهلری اوچون حرکته کئچدی. آجلیقلا موباریزه هفتهسینده "آجلیقدان اؤلورم! حقیقتن "شعارییلا باشلادیلان کامپانیا ایله احتیاج صاحبلرینه هم قیدا یاردیملاری چاتدیریلماسی هم ده سومالی، نیجریه و یمن کیمی بؤلگهلرده 2 بسلنمه ساغلاملیغی مرکزی آچیلماسی پلانلاشدیریلیر.
حریت: "سامسوندا موزامبیکه اوچدو"
سامسونون قیزیل ایرماق دلتاسی قوش جنتینده اون دوققوز می اونیورسیتهسی اورنیتولوژی آراشدیرمالار مرکزی علم اینسانلاری طرفیندن اویدو اؤتوروجو ایلیشهرک تعقیب ائدیلن 4 لئیلئکدن 1-ی تخمینن 7 مین کیلومتر مسافه گئدن موزامبیکه چاتدی. علم اینسانلارینی چاشدیران بیر مسافا گئدن بو لئیلئکین سیگنالی سامسونا چاتدی. علم اینسانلاری ایندی تانزانیا، سودان و اتیوپیدکی 3 لئیلئکین تعقیب ائدیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.