تورکیه مطبوعاتی اؤزتی 27.07.2017

تورکیه مطبوعاتی اؤزتی 27.07.2017

ایستار "القصی غوروروموز"

پرزیدئنت رجب طیب اردوغان، مسجید القصی‌نین عزتی‌نین قورونماسی‌نین بوتون ایسلام عالمی‌نین وظیفه‌سی اولدوغونو سؤیله‌دی. اردوغان بون‌لاری سؤیله‌دی: "ایسرائیلین موسلمان‌لاری تحقیر ائدن متال دتئکتور تطبیقین‌دن گئری آددیم آتماسی گرگینلیگین آزالدیلماسی نقطه‌سینده دوغرو بیر آددیم اولموش‌دور. اما کافی اولا بیلرمی، دئییل. جمعه نامازینا گلن‌لره قاپی‌لارین باغلانماسینا دؤزوم ائده بیلمریک. تل آویو رهبرلیگی قودسون ایسلامی کارارترینی تخریبه یئلتنیر. قودس ایسه موسلمان شخصیتینی قوروماغا چالیشیر. ایسرائیل باریش ایچینده یاشاماق ایستییرسه بؤلگه‌نی آتش چئوره‌سینه سوخا بیله‌جک سیاست‌لردن قاچینما‌لی‌دیر. "

خبرتورک "کؤرفز سرمایه‌لری 5 قات آرتدی"

تورکیه ایقتیصاد ناظیرلیگی معلومات‌لارینا گؤره، بو ایلین ایلک 5 آییندا تورکیه‌یه خاریج‌دن ائدیلن بیرباشا یاتیریم کئچن ایلین عینی دؤورونه گؤره یوزده 65 آرتیملا 3.6 میلیارد دو‌لارا چیخدی. ژانویه-می دؤورونو احاطه ائدن معلومات‌لاردا ان یوکسک آرتیم نیسبتی کؤرفز اؤلکه‌لرین‌دن گلن یاتیریم مبلغینده باخیلدی. کؤرفز اؤلکه‌لرین‌دن تورکیه‌یه بیرباشا یاتیریم مبلغی یوزده 397 آرتیملا 111 میلیون دو‌لاردان 552 میلیون دو‌لارا چاتدی.

وطن "تورک ساوونما شیرکت‌لری یوکسلیشده"

آسئلسان، توساش و روکئتسان، دونیانین ان بؤیوک 100 ساوونما صنایعسی شیرکتی آراسینا گیردی. آمریکا مرکزلی نیظامی نشریات قورولوشو دفنس نیوز ژورنا‌لی طرفین‌دن هر ایل بیر اوّلکی ایلین ساوونما ساتیش‌لاری اساس گؤتوروله‌رک یاییم‌لانان و دونیانین ان پرستیژلی ساوونما صنایعسی لیسته‌سی اولا‌راق قبول ائدیلن 'دفنس نیوز توپ 100 آچیقلاندی. لیسته‌ده تورک شیرکتی ساییسی بو ایل 3-ه یوکسلدی. لیسته‌ده کئچن ایل 58ینجی اولان آسئلسان، 1 میلیارد 195 میلیون دو‌لارلا بو ایل 57ینجی سیرایا یوکسلرکن، آسئلسان، 1 میلیارد 84 میلیون دو‌لارلا 72نجیلیکدن 61ینجیلیغه چیخدی. روکئتسان دا، 364 میلیون دو‌لار جیرویلا لیسته‌یه ایلک دفعه 98ینجی سیراوی گیردی.

صاباح "هیندیستانلا نیظامنامه سفرلری باشلاییر"

پرزیدنت رجب طیب اردوغانین 30 آپریلده هیندیستانا ائتدیگی زیارت، میوه‌لرینی وئرمه‌یه باشلادی. تورک هیندیستان توریزم شوراسی‌نین (تیتج) تشببوسو 2018-جی ایلده ایکی اؤلکه آراسیندا نیظامنامه سفرلری‌نین باشلادیلماسی قراری آلیندی. اؤن پروتوکولون ایمظالاندیغی راضیلاشماغا گؤره مومبای و یئنی دئه‌لی‌دن بودروم، دالامان و آنتالیایا هفته‌ده بیر نیظامنامه اوچوشو ائدیله‌جک. دیگر طرف‌دن هیندیستان سیاحت آژانس‌لری فدراسیونو (Travel Agents Federation of India-TAFI) هر ایل دونیانین فرق‌لی اؤلکه‌لرینده تشکیل ائتدیگی آژانس‌لار کونگره‌سینی بو ایل موغلا دالاماندا رئال‌لاش‌دیرا‌جاق.

یئنی شفق "آوراسیا تونلینده یاشیل سرتیفیکات"

آوراسیا تونئلی‌دیر ایشلئتمه و باخیم بیناسی، آمریکان یاشیل بینا‌لار شوراسی‌نین (USGBC) وئردیگی LEED قیزیل سرتیفیکاسینی آلماغا حاق قازاندی. آمریکان یاشیل بینا‌لار شوراسی طرفین‌دن یارادیلمیش یاشیل بینا سرتیفیکاتی LEED (Leadership in Energy and Environmental Design-Enerji ve چئوره دوستو تاساریمدا لیدیرلیک دونیادا تانینیرلیغی و قبول اولونماسی ان پرستیژلی یاشیل بینا سرتیفیکاتی اولا‌راق بیلینیر. آسیا و آوروپا آراسیندا قاره‌‌لر آراسی سفری 5 دقیقه‌یه اندیرن آوراسیا تونئلی، اطراف موحیطه، جمعیته و شهره اولان حساس یاناشماسی بین الخالق ایستاندارد‌لاردا نومونه اولان، اکولوژی تارازلیق‌لاری گودن، چئوره دوستو خوصوصیتلریله اؤن پلانا چیخیر.