تورکیه مطبوعاتی اؤزتی 18.04.2019
تورکیهنین ناتوداکی موقعیتینین سورغولانماسینا ایمکان وئرمیریک
تورکیه مطبوعاتی اؤزتی 18.04.2019
صاباح: "تورکیهنین ناتوداکی موقعیتینین سورغولانماسینا ایمکان وئرمیریک"
تورکیه، روسیادان اس-400 هاوا سیستملری آلماق قرارینین هئچ بیر اؤلکهیه قارشی وئریلمیش بیر قرار اولمادیغینی بیلدیریب. پرزیدنت سؤزچوسو ایبراهیم قالین، "اس-400 قراری، تورکیهنین میللی حاکمیتی چرچیوهسینده حاکمیتین بیر اؤلکه کیمی آلدیغی بیر قراردیر. آمریکایا و یا باشقا بیر اؤلکهیه قارشی آلینمیش بیر قرار دئییل." دئدی. قالین، "اس-400 و اف-35 مسئلهسی کونتکستینده تورکیهنین ناتوداکی موقعیتینی محاکیمه ائتمهیه یؤنلمیش آچیقلامالاری دا قبول ائتمییمیز مومکون دئییل." ایفادهلرینی ایستیفاده ائتدی.
وطن: "چاووش اوغلو آمریکایا ایران چیخیشی"
خاریجی ایشلر ناظیری مولود چاووش اوغلو دونن ایرانلی همکاری جواد ظریف ایله گؤروشوب. چاووش اوغلو، "آمریکایا تحریملرین یانلیش اولدوغونو ایضاح ائتمهیه داوام ائدجگیک" دئدی. ایران خاریجی ایشلر ناظیری ظریف ده "سوریهده اسد ایله اوزون صحبت ائتدیم. بو صحبتین راپورونو جناب پرزیدئنتی رجب طیب اردوغانا تقدیم ائتدیم" ایفادهسینی ایستیفاده ائتدی.
خبر تورک: "اژهدن روسیایا ایخراجاتدا یوزده 111 آرتیم"
اژه بؤلگهسیندن روسیایا آپاریلان ایخراج، ایلین ایلک چئیرکده کئچن ایلین عینی دؤورونه گؤره یوزده111 آرتیملا 37 میلیون 818 مین دولاردان 79 میلیون 908 مین دولارا چیخدی. اژهدن روسیایا ایخراجاتدا یاش میوه تروز محصوللاری 15 میلیون 409 مین دولارلا ایلک سیرادا یئر آلدی.
حریت: "تاناپ-دان آوروپایا گاز تأمیناتیندا سون مرحلهیه گلینیب"
آذربایجانین شاهدنیز 2 یاتاغیندان حاصیل اولونان گازین آوروپا بازارلارینا چاتدیریلماسینا تکان وئرهجک ترانس آنادولو طبیعی گاز بورو کمرینین (تاناپ) ایکینجی فازایندا سون مرحلهیه گلینیب. 15 آوریل گؤره، بورو کمرینه سیناق مقصدلی گاز وئریلمهیه باشلاندی.
ایستار: "تورکیه، فوریهده آوروپا بیرلیگی ایله تیجارت آرتیغی وئریب"
تورکیهنین فوریه آییندا آوروپا بیرلیگینه ایخراجی، ایدخالینی 877.6 میلیون آورو کئچدی. یوروستات معلوماتلارینا گؤره تورکیه، فوریه آییندا آوروپا بیرلیگی اؤلکهلرینه 6 میلیارد 528.2 میلیون آورو ایخراج، 5 میلیارد 650.6 میلیون آورو دا ایدخال حیاتا کئچیریب. تورکیه، آوروپا بیرلیگی ایله ایلین ایلک ایکی آییندا ایسه جمعی 2 میلیارد 684.4 میلیون آورو تیجارت آرتیغی وئریب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.