تورکیه مطبوعاتی اؤزتی 29.04.2019
یئنی شفق: توریزمده 35 میلیارد دولارین اوزرینده ارز گیردیسی گؤزلنیلیر
تورکیه مطبوعاتی اؤزتی 29.04.2019
یئنی شفق: "توریزمده 35 میلیارد دولارین اوزرینده ارز گیردیسی گؤزلنیلیر"
تورکیه سیاحت آژانسلاری بیرلیگینین باشقانی (تورساب) فیروز باغلیکایا، "گودن 50 میلیون توریست رقمینه اینش الله چاتاجاغیق. سئکتوردا، 35 میلیارد دولارین اوزرینده بیر ارز گیرمهسی گؤزلنیلیر." دئدی. باغلیکایا، سکتورون 2018 ایلینی رکوردلارلا باغلادیغینی و 2019 ایله ده عینی سرعتله باشلادیقلارینی، ایلک ایکی آیدا یوزده 7،4لوک آرتیم اولدوغونو دئدی. تورکیهده "دنیز، قوم و گونش" توریزمینین ایلده ماکسیموم 6-7 آیا چیخدیغینی دیله گتیرن باغلیکایا، "ساغلیق و مدنیت توریزمی کیمی ساحهلرده بو دسامبر 10-12 آیا چیخیر." دئدی.
حریت: "اوکراینالی توریست ساییسیندا بؤیوک آرتیم"
اوکراینانین ایستانبولداکی باش کونسولو اولکساندر قامانین، اوکراینادان تورکیهیه گلن توریست ساییسیندا داواملی اولاراق بیر آرتیم اولدوغونو بیلدیرهرک، "ایستانبول، اوکراینالی توریستلر اوچون گئتدیکجه داها اؤنملی بیر دستیناسیون حالینا گلدی. بو ایل ایستانبولا گلن اوکراینالی توریست ساییسینین آرتاجاغینی دوشونورم." دئدی. موستقیل اوکراینا پراووسلاو کیلسهسینین یارادیلماسی، مقدس صوفیا معبدی موزهسی اوچون اوکرایناجا سسلی رهبر خیدمتینین حاضیرلانماسی. دولماباخچا سارایی و دیگر اؤنملی مکانلار اوچون ده حاضیرلانماغا داوام ائتمهسی اوکراینالی توریست ساییسیندا آرتیم تامین ائدهجک.
ایستار: "تورکیهنین عراق وطنداشلارینا گتیردیگی ویزا دایمی دئییل"
خاریجی ایشلر ناظیری مولود چاووش اوغلو، تورکیه ایله عراق آراسینداکی ویزا تطبیقینین اوزونموددتلی تطبیقی اولمادیغینی دئییب. عراقا رسمی سفر حیاتا کئچیرن چاووش اوغلو، بو اؤلکهده ایشلرین یولونا گیردیگی زامان ویزا رژیمینی یئنیدن نظردن کئچیرهجکلرینی بیلدیریب. چاووش اوغلو، "واختی گلنده ویزا رژیمینی عراقلی قارداشلاریمیز اوچون تکرار قالدیراریق." دئدی.
وطن: "دونیادا تایی-برابری یوخ، باها وئریلمیر"
توکاتداده بیر کولکسیونرین نادیر اثرلری آراسیندا یئر آلان زومرود داشیندا بؤیوک ایسگندرین پورترهسینین ایشلندیگی قیزیل اوزویه قیمت وئریلمیر. هلنستیک دؤوره عایید اولدوغو گومان ائدیلن اوزوک تاخماغا اورنامنتین نئجه ایشلنمیش اولا بیلهجگی سوالینین جوابی هله آچیلا دئییل.اوزمانلار، متالی 21.5 عیار قیزیل، داشی طبیعی زومرود اولان اثرین، ایندیکی تکنولوژی ایله بئله یاپیلامازکن ایکی مین ایلدن داها اوّلکی بیر دؤورده آپاریلمیش اولماسینین ایضاحا محتاج اولدوغونو بیلدیریر.
خبر تورک: "آنلیق مساژلاشما یئرلی آپلیکیشین"
تورکیهنین تلکومونیکاسیون اوپراتورو تورک تلکومونیکاسیون، یئرلی آنلیق مساژلاشما پروقرامی حاضیرلادی. تورک تلکومونیکاسیون آر-گه و تگنولوژی شیرکتی آرگهلا طرفیندن اینکیشاف ائتدیریلن یئرلی و میللی مساژلاشما تطبیقی LAFFین بتا واریانتی، آندروید و iOS پلاتفورمالاری اوچون ایستیفادهیه وئریلدی. LAFF بتا، بوتون موبیل پلاتفورملار واسطهسیله اوپراتور موستقیل اولاراق ایستیفاده ائدیلهجک. LAFF ، چوخ یاخیندا چیخاجاق تام واریانتیندا سوسیال قارشیلیقلی تأثیر کیمی دیگر صحبت ایشلرینده اولمایان بیر چوخ یئنی و هیجان وئریجی خصوصیتی ده اؤزونده ساخلایاجاق.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.