تورکیه مطبوعاتی اؤزتی 08.05.2019
کونیادا سوسوزلوق پروبلمینه حل ائتمک مقصدیله یولا چیخان 3 یولداش، میوه و تروزچیلیکده سوسوز اکینچیلیک ایمکان وئرن "Ekobox" حلّینی گئلیشدیردی
تورکیه مطبوعاتی اؤزتی 08.05.2019
صاباح: "یئنی حلّ پروسهسی یوخ"
دولت باشقانی رجب طیب اردوغان، بؤلوچو ترور تشکیلاتی پ.ک.ک-نین حبسدکی چتهباشینین وکیلی گؤروشونو دگرلندیردی. اردوغان، "حلّ پروسهسی دئیه بیر شئی سؤز موضوعسو دئییل." دئدی. پرزیدنتلیک ایرتیباطات باشقانی فخرالدین آلتیندا وئردیگی آچیقلامادا، چتهباشینین وکیلی گؤروشونون پروسهدور لازیمی اولدوغونو بیلدیرهرک، "بیز فیکیر و گؤروشمهلریمیزده دقیقیق" دئدی. آلدین، چتهباشینین ی.پ.گ-یه مساژی اوچون ایسه "بیرباشا گؤستریش وئرمهسی تورکیهنین پ.ک.ک ایله ی.پ.گ و س.د.گ آراسیندا علاقه اولدوغو تئزینی گوجلندیریر" ایفادهلرینی ایستیفاده ائتدی.
خبر تورک: "تورکیه، دوغو آغدنیزدکی حقوقلارینی قوروماقدا قرارلی"
انرژی ناظیرلیگی، شرقی آغدنیزده تورکیهنین داوام ائتدیردیگی قازما فعالیتلریله باغلی بیانات وئردی. آچیقلامادا "تورکیهنین اؤز شلفینده رئاللاشدیرماقدا اولدوغو قازما فعالیتینه موناسیبتین اولاراق بؤلگه ایچ و خاریجی آکتورلارلا ائدیلن آچیقلامالارین قبول ائدیلمهسی مومکون دئییل." دئییلدی. آچیقلامادا، سیسمیک و قازما ایشلرینین، تورکیهنین شرقی آغدنیزدکی کاربوهیدروژن منبعلرینه دایر بین الخالق حقوقدان ایرهلی گلن قانونی حاقلارینا اساسلاندیغی قئید اولونوب.
ایستار: "تورک عسگرینین اس-400 هاوا ساوونما سیستملری تحصیلی باشلاییر"
روس خبر آژانسی TASSدا یئر آلان خبره گؤره، دیپلوماتیک منبع آچیقلاماسیندا می آیینین سونوندا، تخمینن 100 تورک عسگری، آنلاشمایا گؤره 2019دا تسلیم ائدیلهجک اولان اس-400 هاوا ساوونما سیستملرینی ایستیفاده ائتمک اوچون روسیادا نیظامی بازادا تحصیله باشلایاجاق. تحصیل تخمینن 5 آی داوام ائدهجک.
یئنی شفق: "سوسوز اکینچیلیک ایمکان وئرن کشف"
کونیادا سوسوزلوق پروبلمینه حل ائتمک مقصدیله یولا چیخان 3 یولداش، میوه و تروزچیلیکده سوسوز اکینچیلیک ایمکان وئرن "Ekobox" حلّینی گئلیشدیردی. آغاچ و تروز شیتیللرینین، حیاتی بویو یالنیز 16 لیتر سو ایستیفاده ائدهرک یئتیشمهسینی و کؤکونون تورپاقداکی سو قایناغینا چاتماسینی تامین ائدن سیستم؛ صحرا، داشلیق و قوراق ساحهلرده ده میوه و تروزچیلیک آپاریلماسینا ایمکان وئرهجک. محصولا خاریجیندن ده بؤیوک طلب وار.
وطن: "تورک فوتبالچی اوزان کاباکین قیمتی گؤز قاماشدیردی"
بین الخالق ایدمان آراشدیرمالاری مرکزینین (CIES) قیمتلندیرمهسینه گؤره، آوروپانین 5 بؤیوک لیگینده ترانسفر قیمتی ان یوکسک اولان او20 فوتبالچیلارینین ایلک 50 لیستهسی معلوم اولدو. لیستهده بیر ده تورک اویونچو یئر آلیب. قالاتاسارایدان آلمانیانین اشتوتقارت 11 میلیون یورویا ترانسفر اولان اوزان کاباکین لیستهدکی دگری گؤز قاماشدیردی. لیستهده اوزان کاباکین قیمتی 20.8 میلیون یورو اولاراق آچیقلانیب.
11
پومپئو بغداددا
عراقین باشکندی بغدادا سورپریز سفر حیاتا کئچیرن آمریکا خاریجی ایشلر ناظیری مایک پومپئو، باشباخان عادل عبدالمهدی و پرزیدنت برهم صالح طرفیندن قبول ائدیلیب.
عراق خاریجی ایشلر ناظیری محمد علی الحکیم، پومپئونون عبدالمهدی و صالح ایله گؤروشمهسینی سوسیال مئدیا حسابیندان پایلاشیب.
حکیم، مسئله بارسینده پایلاشیمیندا،
آمریکا خاریجی ایشلر ناظیری مایک پومپئونون باش ناظیر عادل عبدالمهدی و پرزیدنتلیک برهم صالح ایله آیری-آیری رئاللاشان دانیشیقلارینا قاتیلدی. گؤروشمهده ایکیطرفلی موناسیبتلرله بؤلگهدکی سون انیت پروسهلری و ترورلا موباریزه دگرلندیریلیب." ایفادهلرینی ایستیفاده ائتدی.
پومپئونون عراقلی رسمیلرله کئچیردیگی گؤروشمهده اؤلکهسینین ایرانا قارشی تحریملریندن عراقین معاف توتولماسی مسئلهسینین ده موذاکیره اولوندوغو ایفاده ائدیلدی.
پومپئو، فنلاندداکی تماسلارینین آردیندان آلمانیایا باش وئرمهسی گؤزلنن سفرینی لغو ائدهرک، دونن عراقا گئتمیشدی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.