تورکیه مطبوعاتی اؤزتی 17.06.2019

تورکیه مطبوعاتی اؤزتی 17.06.2019

یئنی شفق: "اردوغان: تورکیه بؤلگه‌سل دئییل قلوبال آکتور" پرزیدنت رجب طیب اردوغان، آسیادا چوخ اهمیت‌لی بیر گوج تارازلیغی میدانا گلدیگینی ایفاده ائتدی.

اردوغان، اویون قوروجولار آراسیندا یئر آلماق اوچون، بؤلگه‌نین دئییل بوتون دونیانین اویون قوروجوسو موقعیتینده اولماق لازیم اولدوغونو وورغولادی. تورکیه‌نین ده بؤلگه‌سینده و دونیادا گوج‌لو، تأثیرلی بیر آکتور حالینا گلدیگینی ایفاده ائدن اردوغان، "بورا‌دان گئری آددیم آتماق سؤز موضوعسو دئییل" دئدی.

ایستار: "اردوغان‌ین اس-400 آچیقلاماسی دونیا مطبوعاتیندا گئنیش یئر آلدی" آمریکانین روسیا ایله تورکیه آراسین‌داکی اس-400 هاوا ساوونما ائتمه سیستم‌لری راضیلاشماسینی پوزماغا ایستیقامت‌لی شانتاژلار شیددتلنیرکن، پرزیدنت رجب طیب اردوغانین "اس-400 ساوونما سیستمی ژوئیه آیی‌نین ایلک یاریسیندا تورکیه‌یه تسلیم ائدیله‌جک." آچیقلاماسی دونیا مطبوعاتیندا گئنیش یئر آلدی. لندن مرکزلی اولوسلار آراسی خبر آژانسی رویترز، تایمز او ایسرائیل، د اورشلیم پوست (ایسرائیل)، قطر مرکزلی اولوسلار آراسی نشر قورولوشو الجزیره، روسیا دولت خبر آژانسی تاس، فرانس24 (فرانسا)، ایران دولت تلویزیونو پرس تی.وی، یونانیستانین کاتیمرینی کیمی اولوسلار آراسی بیر چوخ مئدیا قورولوشو، اردوغانین دقیق رفتارینی اوخوجولاری ایله پایلاشدی.

صاباح: "اردوغان: فرانسانین شرق آغدنیزیده سؤز حاقی یوخ‌دور" پرزیدنت رجب طیب اردوغان، "تورکیه شرقی آغدنیزینده ایشلری دوردورما‌لی" دئین فرانسا پرزیدنتی امانوئل ماکرونا آغیر چیخدی. فرانسانین شرق آغدنیزیده سؤز سؤیلمه حاقی اولمادیغینی ایفاده ائدن اردوغان، "فرانسا شرق آغدنیزینه ساحیلین وار می؟ حؤرمت‌لی ماکرون بو ایشلرده چوخ ناشی. هله آلیشامادی، هرحالدا آلیشانا قدر دا چوخ واخت کئچه‌جک. "دئدی.

خبر تورک: "ناظیر تشکیلاتدان جی-20 ده  تورکیه‌ده یاتیرم  چاغیریشی "

چئوره و شهرسالما ناظیری مورات کوروم، ژاپونیانین ناگانو شهری کارویزاوار قصبه‌سینده تشکیل ائدیلن جی-20 اکولوژی و انرژی ناظیرلری ییغینجاغیندا دانیشدی. ناظیر کوروم، بورادا ائتدیگی دانیشمادا خاریجی سرمایه‌چی‌لری یاتیریم فورصتی باخیمین‌دان اوستونلوک‌لو فورصت‌لر تقدیم ائدن تورکیه‌یه سرمایه قویماغا دعوت ائتدی.

حریت: "تورکیه، قانادلی حیوان اتی ایخراجاتیندا اوست سیرا‌لاردا" تویوق اتی توکه‌تیمی دونیادا سرعتله آرتیر. قانادلی ات سکتوروندا دونیادا عمومیتده 40 میلیارد دو‌لارلیق بیر تیجارت حجمی وار. تورکیه‌نین بورا‌دان آلدیغی پای بو ایل اعتباریله 1 میلیارد دو‌لار. تورکیه، ژانویه 2019 دان بو گونه قدر تخمینن 266 میلیون دو‌لارلیق ایخراجات رئاللاشدیردی. یومورتادا ایسه تخمینن 154 میلیون دو‌لارلیق ایخراجات ائتدی. تورکیه‌نین قانادلی حیوان اتی ایخراجاتیندا ان بؤیوک بازاری ایسه ژاپونیا. تورکیه، عینی زاماندا تویوق آیاغیندا چینه 80 میلیون دو‌لارلیق ایخراجات ائتدی.