تورکیه مطبوعاتی اؤزتی 26.06.2019
صاباح: "تورکییه اؤز ساوونما سیستمینی ۵ ایلده اۆرتیر"
ایستار: "اردوغان: فرانسانین دوغو آغدنیز ایله باغلی دانیشماغا صلاحیتی یوخدور"
جمهورباشقانی رجب طیب اردوغان، فرانسانین دوغو آغدنیزده باش وئرهن پروسهلر ایله باغلی آچیقلامالارینا دایر، "بورا ایله باغلی فرانسانین سؤیلهیهجک هئچ بیر شئیی یوخدور. بورادا تورکییه دانیشیر ضامیندیر. یونانیستان دانیشیر ضامیندیر. اینگیلتره دانیشیر ضامیندیر. اما فرانسا سن دانیشابیلمزسن، سنین بئله بیر صلاحیتین یوخدور" دئدی.
حریت: "اردوغان "اس-۴۰۰لری اؤنوموزدهکی آی تحویل آلماغا باشلاییریق"
پرزیدنت اردوغان، روسیادان اس-۴۰۰ هاوا ساوونما سیستملری قونوسوندا دانیشدی. "گوونلیک احتیاجلاریمیز قونوسوندا فرقلی سئچهنکلره ده قاپیمیز هر زامان آچیق اولموشدور" دئیهن اردوغان، "تورکییه بو مسئلهده ایجازه آلماق و اؤزللیکله باسقیلارا بویون ایمک مجبوریتینده دئییل. اس-۴۰۰ مسئلهسی بیرباشا اگمنلیک حاقلاریمیزا باغلی مسئلهدیر و بوندان گئری آددیم آتمایاجاییق" ایفادهلرینی ایشلتدی.
صاباح: "تورکییه اؤز ساوونما سیستمینی ۵ ایلده اۆرتیر"
عراقین قوزئیینده یووالانان بؤۀوجو ترور هؤرگوتونه قارشی باشلادیلان پنجه عملیاتیندا اوزون منزیللی موشک بورا قوللانان تورکییه، گؤوده گؤستریسی ائتدی. اوزمانلارا گؤره، ۳۰ ایلدیر موشک گلیشدیرن تورکییه، ۵ ایلده روسیانین اۆرتدیگی اس-۴۰۰ تکنولوژیسینه چاتاجاق. ۲۸۰ کیلومتر منزیله صاحب بورا موشکینین ۱۰۰۰ کیلومتر منزیله چاتماسی اوچون چالیشما داوام ائتدیریلهجک.
یئنی شفق: "روس پلیسیندن سونرا عسگری ده تورکییهده تعطیله گلهبیلهجک"
روسیا، ۲۰۱۴ده ایچ ایشلری باخانلیغی امکداشلارینین ناتو اؤلکهلرینده استراحت ائتمهسینی قاداغان ائتمیش و تورکییه یاساقلی اؤلکهلر لیستهسینه آلمیشدی. ایللر سونرا روسیادا ایچ ایشلری باخانلیغینین امکداشی گۆونلیک گؤرهولیلرینین، تورکییهده استراحت ائتمهسینه ایمکان وئرن قرار چیخمیشدی. بو قرارین آردیندان یئنی بیر خبر ده گلدی. روسیا، پلیسلردن سونرا عسگرلرینه ده تورکییهده تعطیله گلمه ایجازهسی وئرمهیه حاضیرلاشیر.
خبر تورک: "زراعت بانکاسینا "ان یاخشی اولوسلارآراسی پروژه" اؤدولو"
زرعت بانکاسی، مالیه دونیاسیندا ان یاخشیلارین اؤدوللندیریلدیگی "فاینشیل سرویس فوروم پرودوکت & سرویس اینوویشن ۲۰۱۹دا"، "ان یاخشی اولوسلارآراسی پروژه" اؤدولونه لاییق گؤرولدو. بانک اؤدولو، موشتئری تجروبهسی، صداقتی، معلومات آنالیتیکی و ایش گوجو دؤنوشومو قونولاریندا ائدیلن اوغورلو چالیشمالار و پروژهلرله فینالا قالاراق آلماغا حاق قازاندی.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.