تورکیه مطبوعاتی اؤزتی 16.07.2019
اردوغان: اس-400لر اوچون هدفیمیز اورتاق اوره‌تیم
تورکیه مطبوعاتی اؤزتی 16.07.2019
وطن: "15 ژوئیه‌نین 3-جی ایلدؤنومونده تورکیه آیاقدا"
فتح الله‌چی ترور اؤرگوتو هم 15 ژوئیه 2016داکی کودتا گیریشیمی‌نین پوسکوردوگو "15 ژوئیه دموکراسی و میللی بیرلیک گونونده شهیدلری آنماق اوچون تورکیه‌نین دؤرد بیر طرفینده تدبیرلر و اعتراض‌لار کئچیریلیب. اللرینده تورک بایراق‌لاری ایله میدان‌لارا چیخان میلیون‌لار "کودتایا یوخ، دموکراسی‌یه بلی"، "شهیدلر اؤلمز، وطن بؤلونمز" شعارلاری آتدی. 15 ژوئیه دموکراسی و میللی بیرلیک گونونده شهیدلر دعا‌لارلا آنیلیب.
خبر تورک: "اردوغان: شهیدلرینی اونودان‌لارین اورک‌لری یارا‌دیر"
جمهور باشقانی رجب طیب اردوغان، فتح الله‌چی ترور اؤرگوتو هم 15 ژوئیه 2016داکی کودتا گیریشیمینده ایستانبولداکی مقاومتین رمز آدرسلریندن بیری اولان آتاتورک هاوا لیمانیندا خالقا مراجعت ائدیب. اردوغان بورا‌داکی مراجعتینده چئوریلیش گئجه‌سی، میللتین ایستیقلا‌لی و اؤلکه‌نین گله‌جگینی قوروماق اوچون اوچاق‌لارین، تانک‌لارین، گولله‌لرین قارشی‌سینا دیکیلن قهرمان میللتین هر بیر عضوونو حؤرمتله، محبتله سالاملادیغینی ایفاده ائتدی. چئوریلیش گئجه‌سی وئریلن 251 شهیدی اونوتمایا‌جاق‌لارینی قئید ائدن اردوغان، "شهیدلرینی اونودان‌لارین اورک‌لری یارا‌دیر" - دئدی.
ایستار: "واشینگتون پوست‌دا 15 ژوئیه اعلانی"
آمریکا‌نین اؤنده گلن قزئت‌لرین‌دن واشینگتون پوست‌دا تورک آمریکان میللی ایستیقامتلندیرمه کومیته‌سی ایمضاسی، "فتح الله‌چی ترور اؤرگوتو هم گوناهکارلاری اوچون عدالت ایستییریک" باش‌لیق‌لی اعلان اولونوب. اعلاندا، فتح الله‌چی ترور اؤرگوتونون تورکیه‌ده 15 ژوئیه 2016دا تلاش ائتدیگی کودتا گیریشیمی دئییلدی. اعلاندا، جسور تورک خالقی‌نین زربه‌یه قارشی چیخماق اوچون کوچه‌لره تؤکولمه‌سی 250دن آرتیق آدامین شهید، 2 مین‌دن چوخ اینسانین غازی اولدوغو خاطیرلادیلیب. اعلاندا، فئتؤ باشچی‌نین تورکیه‌یه اعاده ائدیلمه‌سی لازیم اولدوغو وورغولانیب.
صاباح: "ایش دونیاسین‌دان آرد آردا 15 ژوئیه مساژلاری"
15 ژوئیه کودتا گیریشیمی‌نین 3-جی ایلدؤنومونده ایش دونیاسین‌دان مئساژلار آرد-آردا گلدی. تیجارت دونیاسی‌نین 15 ژوئیه مکتوب‌لاریندا دموکراسی وورغوسو قارشی پلاندایدی.اولوسلاراراسی سرمایه‌چی‌لر درنکی‌نین باشقانی (YASED) عایشم ساریغین، 15 ژوئیه‌ده تورک خالقی، دموکراسی و حقوقی دولت پرینسیپ‌لرینه صادق‌لیگینی ان آچیق شکیلده اورتایا قویدوغونو وورغولادی. تورکیه اودا‌لار و بورس‌لار بیرلیگی‌نین صدری ریفات حیصارجیکلی اوغلو دا میللتین دموکراسی و میللی ایراده‌نین باشقا بیر واریانتا بویون ایمیه‌جگینی آچیق شکیلده گؤستردیگینی بیلدیریب. تورکیه اصناف و صنعتکارلاری کونفدراسیون باشقانی بندئوی پالاندؤکن ایسه، "سارسیلماز بیر ایرادیله دموکراسیمیزی صاحبلنن اصناف و صنعتکارلاریمیز، هارا‌دان و کیم‌دن گلیرسه گلسین، ضربه‌لره قارشی دیمدیک دایانماغا داوام ائده‌جک". دئدی.
یئنی شفق: "پرزیدنت اردوغان: اس-400لر اوچون هدفیمیز اورتاق اوره‌تیم"
دولت باشقانی رجب طیب اردوغان، روسیا‌دان اس-400 هاوا ساوونما سیستم‌لرینی داشییان 8-جی اوچاغین دا دونن تورکیه‌یه گلدیگینی بیلدیریب. "هاوا ساوونما سیستمیمیز دونیادا سای‌لی اؤلکه‌لردن بیری حالینا گلیریک" ایفاده‌لرینی ایستیفاده ائدن اردوغان، "ایندی هدف بیرگه اوره‌تیمی روسیا ایله بیرلیکده کئچیرمک. بونو ائدجگیک. داها ایره‌لی گئدجگیک". دئدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
