تورکیه مطبوعاتی اؤزتی 22.07.2019
تورک اوردوسو، قیبریس تورکونون جانی و امنیتی سؤز موضوعسو اولدوغوندا، 45 ایل اوّلکی آددیمی آتماقدا یئنه ترددود ائتمز
تورکیه مطبوعاتی اؤزتی 22.07.2019
ایستار: "اردوغان‌دان دونیایا قیبریس مساژی: لازیم گلسه یئنه ائدیریک"
دولت باشقانی رجب طیب اردوغان، دوغو آغدنیزی گرگین‌لیگی‌نین کؤلگه‌سینده قئید اولونان قیبریس باریش حرکتی‌نین ایلدؤنومونده دونیایا آیدین مساژ وئردی. اردوغان، "قیبریس، باریش حرکتینی، قیبریس آداسیندا برابر صاحب‌لرین‌دن بیری اولان قیبریس تورک خالقی‌نین حاق و منافع‌لرینی قوروماق مقصدیله حیاتا کئچیریب. تورک اوردوسو، قیبریس تورکونون جانی و امنیتی سؤز موضوعسو اولدوغوندا، 45 ایل اوّلکی آددیمی آتماقدا یئنه ترددود ائتمز". دئدی.
یئنی شفق: "فواد اوکتای، دوغو آغدنیزدکی فعالیت‌لریمیزی قطعیتله داوام ائتدیرجگیک"
پرزیدنت معاوینی فواد اوکتای، دوغو آغدنیزده یاشانان انرژی بحرانی ایله علاقه‌دار اولا‌راق "قیبریس آنتالیا کؤرفزی محدودلاشدیرماغا نیتینده اولان‌لار بیلمه‌لی‌دیر کی ساحه‌لرده آراما و چیخار فعالیت‌لریمیزی قطعیتله داوام ائتدیرجگیک". دئدی. میللی مقصدلرله دوغو آغدنیزده یئرلشن تدقیقات گمی‌لری و قازما قورغولارینا هر جور تأمیناتین تامین اولوندوغونو قئید ائدن اوکتای، "تورک دنیزچی‌لری، اژه دنیزی، دوغو آغدنیزده اؤلکه‌میزین و قیبریسلی تورک‌لرین حاق‌لاری‌نین تأمیناتی، باریش و امنیتین تأمیناتی‌دیر". شکلینده دانیشدی.
حرّیت: "ایقتیصاددا میلیارد دو‌لارلیق دیپلوماسی"
جمهور باشقانلیغی فینانس اوفی‌سی، ایستانبولون بین الخالق مالیه مرکزی اولماسی اوچون دونیانین یاتیریمچی پوتانسیلی ان یوکسک اؤلکه‌لرینده دانیشیق‌لارا باشلاییب. مالیه اوفی‌سی، هونگ کونگ، پکن و شانگایدا یوکسک سویه‌لی گؤروشمه‌لر کئچیریب. آسیا بازارلاری ایله آپاریلان دانیشیق‌لارین، لندن و نیویورک کیمی دیگر مرکزلر ایله ده کئچیریلمه‌سی پلانلاشدیریلیر. مالیه اوفی‌سی، گؤروشمه‌لرده قیبریس‌دکی یاتیرم ایمکان‌لارینی ایضاح ائده‌جک، اوچونجو اؤلکه‌لرده بیرگه پروژه اوره‌تمه‌سی مسئله‌سینده امکداش‌لیق ایمکان‌لارینی قیمتلن‌دیره‌جک.
خبر تورک: "بئله گئتسه آنتالیادا 16 میلیون توریست هدفی کئچیلیر"
دونیانین بیر چوخ اؤلکه‌سین‌دن قوناق‌لاری آغیرلایان آنتالیایا، بو ایل بو آنا قدر 6 میلیون 914 مین 909 خاریجی توریست گلیب. پروفسیونل اوتل رهبرلری درنکی (POYD) صدری اولکای قیرغی، "هر گون رکورد خبری گونه باشلاییریق. بیر گونده 96 مین 191 آداملا بوتون زامان‌لارین گونده‌لیک یولجو رکوردو قیریلدی. بئله داوام ائتسه، آنتالیادا 16 میلیون خاریجی توریست هدفیمیزی کئچجگیک". دئدی.
وطن: "مین‌لرله آدام بوغازدا قولاج آتدی"
ایستانبول بوغازیندا، 31-جی بوغازیچی قارّه‌لر آراسی اوزمه یاریشی کئچیریلیب. قیبریس‌نین و ایستانبولون تانیتیمینا 30 ایلدیر اؤنملی قاتقی بخش ائدن و "دونیانین ان یاخشی آچیق سو اوزمه تشکیلاتچی‌لیغی" سئچیلن موسابیقه‌ده، 59 اؤلکه‌دن یئرلی و خاریجی 2 مین 400 اوزگوچو قولاج آتدی. قارّه‌لر آراسی اوزگوچولوک یاریشیندا دونیا رکوردلاری‌نین صاحبی، دومینیکان جمهوریتین‌دن اوزگوچو مارکوس دیاز و دونیا آچیق سو اوزمه بیرلیگی طرفین‌دن 2018-جی ایلین ان یاخشی اسپورجوسو سئچیلن مولدووا‌لی ایون لازرنس تیرون دا موباریزه آپاردی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
