تورکیه مطبوعاتی اؤزتی 25.07.2019
صاباح: تورکیهدن بلاک چین حملهسی
تورکیه مطبوعاتی اؤزتی 25.07.2019
یئنی شفق: "اردوغان: هئچ بیر تحریم تهدیدی تورکیه حاقلی ادعاسیندان ایمتیناع ائتدیرمهیهجک"
تورکیه رجب جمهور باشقانی اردوغان، تورکیهنین شرقی آغدنیزده و سوریهنین قوزئینده آتدیغی آددیملارین، میللتین و قیبریس تورکلرینین حاق، حقوق و منافعلرینی قوروماق حاقینداکی حساسلیقلارینی آچیق شکیلده اورتایا قویدوغونو بیلدیریب. اؤرتولو و یا آچیق هئچ بیر تحریم تهدیدینین تورکیه حاقلی ادعاسیندان ایمتینا ائتدیرمهیهجگینی ایفاده ائدن اردوغان، تورکیه جمهوریتینین موستقیللیگینه، منفعتینه، وطنداشلارینین امین-آمانلیق و امنیتینه قارشی هر جور تهدیدی آرادان قالدیراجاق گوجه و ایرادهیه مالیک اولدوغونو وورغولاییب.
خبر تورک: "چاووش اوغلو: سوریهده تهلوکهسیز بؤلگه مسئلهسینده آرتیق صبریمیز قالماییب"
سوریهده تهلوکهسیز بؤلگه گؤروشمهلری باغلی آچیقلاما وئرن خاریجی ایشلر ناظیری مولود چاووش اوغلو، "آمریکانین گتیردیگی تکلیفلر قانع ائدیجی دئییل. راضیلیغا گلمییمیز لازیمدیر، آرتیق صبریمیز قالماییب". دئدی. چاووش اوغلو، تهلوکهسیز بؤلگهنین درینلیگی و بورالارین کیمین نظارت ائدجگی و بؤلوجو ترور تشکیلاتی ی.پ.گ/پ.ک.ک-نین بورادان چیخاریلماسی مسئلهسینین ان حساس مسئله اولدوغونو بیلدیریب.
ایستار: "روسیا، تکنولوژی ساحهسینده تورکیه ایله ایش بیرلیگینه حاضیر"
روسیا فدراسیونو دیجیتال اینکیشاف، ایرتباطات و کوتلوی کومونیکاسیون ناظیرینین معاوینی میخایل ویکتوروویچ مامونوو، ائتدیگی آچیقلامادا روسیا ایله تورکیهنین بیر چوخ اؤنملی پروژه حیاتا کئچیردیگینی بیلدیرهرک، دیژیتاللشمه ساحهسیندکی امکداشلیغین ایسه آرخادان گلدیگینی بیلدیریب. مامونوو، "ناظیرلیگیمیز بو ایل ایچریسینده بو بوشلوغو قرارلی بیر شکیلده دولدوراجاق. یاخین گلهجکده عقللی شهر تکنولوژیلری و قیبریس امنیت کیمی ساحهلرده تورکیه ایله امکداشلیق ائتمگی پلانلاشدیریریق". دئدی.
وطن: "تورک آکیمدا ایلک گاز تأمیناتی اوچون کریتیک حد آشیلیب
روس گازینی تورکیهیه چاتدیراجاق، بورادان دا آوروپایا داشییاجاق تورک آکیم طبیعی گاز بورو کمرینین کیرکلار ائلی آلیم ترمینالینداکی تیکینتی ایشلرینین یوزده 90ی تاماملانیب. تورک آکیمی پروژهسینین مقصدی گودن عملیات تاریخی دسامبر 2019دا فعالیته کئچمهسی اوچون اؤنملی بیر دؤنوش نقطهسینه چاتمیش اولدو. پروژه بئلهجه هم نسیللر بویو تورکیه و آوروپانین انرژی امنیتینی تامین ائدهجک، هم ده روسیا-تورکیه امکداشلیغی گوجلندیرهجک.
صاباح: "تورکیهدن بلاک چین حملهسی"
پرزیدنتلیک حکومت سیستمینین ایلک اینکیشاف پلانی اولان و 2019-2023 دؤورونو ایچهرن اون بیرینجی اینکیشاف پلانی، تورکیه بؤیوک میللت مجلیسینده قبول ائدیلدی. اؤلکهمیزین 2023-جی ایله قدر، باشدا ایقتیصاد اولماقلا، بیر چوخ ساحهده ایزلیهجگی سیاستی ایچهرن پلانا گؤره؛ قارشیداکی دؤنمده بلاک چین(blockchain) اساسلی دیجیتال مرکز بانکی پولو دا حیاتا کئچیریلهجک. حیاتا کئچیریلهجک دیجیتال پول، تورکیه جازیبه مرکزینه چئویرهجک.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.