تورکیه مطبوعاتی اؤزتی 05.08.2019
او اؤلکه‌دن گلن‌لر رکورد قیردی! سایی میلیون‌لارا یئتیشدی
تورکیه مطبوعاتی اؤزتی 05.08.2019
یئنی‌شفق: "جمهورباشقانی اردوغان: فیراتین دوغوسونا گیره‌جگیک"
جمهورباشقانی رجب طیب اردوغان، فیرات (چای)'نین دوغوسونا اوپراسیون سیگنا‌لی وئردی. اردوغان، "عفرین، جرابلوسا، البابا گیردیک. ایندی ده فیراتین دوغوسونا گیره‌جگیک. بیز بونو روسیا ایله آمریکا ایله پایلاشدیق" ایفاده‌لرینی قوللاندی.
صاباح: " تسلیم اولان پ.ک.ک‌لی‌لر: اؤرگوته قاتیلان‌لار خیال قیریق‌لیغی یاشایر"
گووئن‌لیک گوجلرینه تسلیم اولان پ.ک.ک‌لی 2 تروریستین ایفاده‌سینده اؤرگوتون، گئنچلری صف‌لرینه قاتیلماق اوچون موختلیف وعدلرله تبلیغات ائده‌رک، پسیکولوژی تأثیر ائتمه اصول‌لارینا مراجعت ائتدیگی، آنجاق قاتیلان بوتون گنج‌لرین خیال قیریق‌لیغینا اوغراییب، تشکیلاتین گئرچک اوزونو گؤردوک‌لرینی و ایلک فورصتده قاچماق اوچون تلاش صرف ائتدیک‌لرینی سؤیلدیک‌لری ایفاده ائدیلدی .
حریت: او اؤلکه‌دن گلن‌لر رکورد قیردی! سایی میلیون‌لارا یئتیشدی
توریزمه بو ایل رکوردلار قیران آنتالیا، ژانویه- ژوئیه دؤورونده کئچن ایله گؤره یوزده 16لیق آرتیملا 8 میلیون 193 مین 924 خاریجی توریست آغیرلادی. بو دؤورده ان چوخ توریست گلن اؤلکه‌لر سیرالاماسیندا روسیا بیرینجی اولارکن، اونو آلمانیا و اوکراین تعقیب ائتدی.
ایستار: مشهور میلیاردر جف بیزوس لوکس گمیسی ایله گؤجک‌ده
آمازون‌ون قوروجوسو جف بیزوس‌ون بودروم، داتچا و مارماریس سلیمییه ساحیل‌لرینده تعطیلینی کئچیردیگی، Flying Fox آدلی لوکس گمیسی، فتحیه گؤجک ساحیل‌لرینده دمیرلندی. آلمان فیرماسینا عایید اولان و گونده‌لیک کیرایه‌سی‌نین 400 مین یورو اولدوغو اؤیرنیلن لوکس گمیده، بیزوس‌ون استراحت ائتدیغی ایفاده ائدیلدی.
خبرتورک: چاکابی گوگل‌ین دونیا علم موکافاتینی تورکیه یه گتیردی گوگل-ون تشکیل ائتدیگی و 120 دن چوخ اؤلکه‌دن قاتیلیمین اولدوغو آنلاین علم سرگی‌سی Google Science Fair، قلوبال میقایسدا وئریلن بئش موکافات‌دان بیرینی ایزمیردن 11. صینیف شاگیردی توان دولمن آلدی. دولمن‌ین گلیشدیردیغی آغاج تیترمه‌لرینی انرژییه چئویرن اکینچی‌لیک مودولو " Scientific American Innovator " موکافاتی وئریلدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
