تورکیه مطبوعاتی اؤزتی 21.08.2019

تورکیه مطبوعاتی اؤزتی 21.08.2019

حریت: "چاووش اوغلوندان ایدلیبده تورک کونوویونو هدف آلان سالدیریا باغلی آچیقلاما" خاریجی ایشلر ناظیری مولوت چاووش اوغلو، سوریانین ایدلیب بؤلگه‌سینده اوولکی گون، تورک سیلاح‌لی گوجلری کونوویونا ائدیلن سالدیریا باغلی، رژیمین اودلا اویناماماسی لازیم‌دیر. عسگریمیزین امنیتی اوچون نه لازیم‌دیرسا ائدریک. ایفاده‌سینی ایستیفاده ائتدی. چاووش اوغلو، بو سالدیری‌دان سونرا روس اورقان‌لاری هر سویه‌ده تماس‌لارین سوردوگو معلوماتینی ده وئردی.

صاباح: "آدییاماندا میلیون‌لارلا ایللیک فوصیل‌لر تثبیت ائدیلدی" آدییامانین توت محلینده، میلیون‌لارلا ایللیک اولدوغو قیمتلن‌دیریلن قالیق‌لار تثبیت ائدیلدی. محلده یاشایان‌لار داغ‌لیق بؤلگه‌ده گزرکن فرق ائتدیک‌لری داش‌لاری توت قایماقاملیغینا وئرمیش‌دیر. فوصیل‌لری یئرینده آراش‌دیران باش مامور یونوس کیزیلگونئش، 100 میلیون ایللیک اولدوغو دوشونولن فوصیل نومونه‌لری‌نین تام تاریخلنمسی و آراشدیریلماسی اوچون ایستانبول تکنیک اونیورسیته‌سینه گؤندریلدیگینی بیلدیریب.

وطن: "خاریجی یاتیریمچیلارین تورکیه‌یه علاقه‌سی آرتیر"

تورکیه‌یه گلن بیرباشا یاتیریملار، کئچن ایلین ژوئن آیین‌دان بو ایلین ژوئنینه قدر یوزده 6.3 آرتا‌راق، تخمینن 12.4 میلیارد دو‌لارا چیخدی.

ژانویه-ژوئن آیلاریندا تورکیه‌یه گلن خاریجی سرمایه یاتیریم‌لاریندا قطر و اینگیلیستان ایلک سیرا‌لاری آلدی.

خبر تورک: "گمی و یات سکتورو اوزاق شرقیا یئلکن آچدی"

بو ایلین ژانویه- ژوئیه دؤورونده، تخمینن 580 میلیون دو‌لارلیق ایخراجات رئال‌لاش‌دیران گمی و یات سکتوروندا اوزاق شرقه رکورد ایخراجات آرتیمی یاشاندی. ایلین 7 آییندا هونگ کونگا 35.5 میلیون، سینگاپورا 30 میلیون و ژاپونیایا 14 میلیون دو‌لارلیق خاریجی تیجارت ائدیلدی.

ایستار: "اؤزئر و تانئر کاپری آداسیندا"

تورکیه‌نین مشهور ضرب صنعتچی‌لرین‌دن دینچر اؤزئر و پیانوچو رویا تانئر، ایتالیانین ان چوخ توریست چکن بؤلگه‌سی کاپری آداسیندا بو ایل 20نجی‌سی کئچیریله‌جک بین الخالق کاپری موسیقی فستیوالیندا بو آخشام کونسرت وئره‌جک. اؤزئر و تانئر، 24 آوقوست آخشامی دا ایسپانیانین مورئللا شهرینده سونور موسیقی فستیوالیندا صحنه‌یه چیخا‌جاق.