یئنی شفق: "پرزیدنت اردوغان‌دان قیبریس روملارینا سرت اویاری"

جمهورباشقانی رجب طیب اردوغان قیبریسین دوغو آغدنیزده‌کی تک طرف‌لی هیدروکربن آختارما فعالیتلرینه تپکی گؤستردی، روملارین گئچمیش‌ده آدادا ائتدیکلری ظلملر سببی ایله تورکییه‌نین ۱۹۷۴ده قیبریس باریش حرکاتی حیاتا گئچیردیگینی خاطیرلادان اردوغان "اگر باش وئره‌نلردن هله ده درس آلمایانلار وارسا، اونلارا دا لازم اولان جاوابلاری وئرمک‌دن چئکینمه‌یه‌جگیمیزین بیلینمه‌سینی ایسته‌ییرم" دئدی.

صاباح: "گوونلی بؤلگه اوچون تکنیک چالیشمالاردا سونا گلیندی"

سوریه‌نین قوزئیینده، تورکییه ایله آمریکانین بیرلیکده تاسیس ائتمه‌یی پلانلادیغی گوونلی بؤلگه اوچون گئری ساییم سورور. میدان آنالیزلریندن سونرا ماسادا تکنیک باخیم‌دان دا سون مرحله‌ده اولان ایشلرین تاماملانماسی آمریکا و تورکییه‌نین بیرلیک‌ده یئریده‌جگی مشترک عملیات مرکزی، تام ظرفیت ایله ایشله‌مه‌یه باشلایاجاق.

خبر تورک: "دونیانین ان بؤیوگو اولاجاق مگا پروژه‌ده بورجلار اوجالیر"

چاناق‌قالا بوغازینا اینشا ائدیله‌ن ۱۹۱۵ چاناق‌قالا کؤرپوسونون تخمیناً ۳ آی اؤنجه باتیریلان، آوروپا و آسیا یاخاسی بورج کیسونلاری اوزرین‌ده ۳۱۸ متر اوزونلوغون‌داکی آیاقلار یوکسلمه‌یه داوام ائدیر. ۱۹۱۵ چاناق‌قالا کؤرپوسونون گئلی‌بولو و لاپسئکی یاخاسین‌دا دنیز ایچری‌سین‌ده یوک‌سه‌له‌جک ۳۱۸ مترلیک آیاقلارینی یاراداجاق ایلک بلوکلار، بورج کیسونلاری اوستونه یئرلشدیریلدی. اورتا آچیق‌لیغی ۲۰۲۳ متر اولاجاق کؤرپو دونیانین ان اوزون بورجلاری آراسی آچیقلیغا صاحب آسما کؤرپوسو اولاجاق.

وطن: "تورک اینشات سئکتورو دونیا ایکینجی‌سی"

تورکییه قلوبال بازاردا داوام ائد‌ن دورغونلوغا و آرتان ریسکلره باخمایاراق اولوسلارآراسی تیکینتی سئکتورو درگیسی ای‌ان‌آرین "دونیانین ان بؤیوک ۲۵۰ اولوسلارآراسی مقاطعه‌چی‌سی" لیسته‌سین‌ده ۴۴ شیرکتله ایکینجی سیرادا یئر آلدی. لیسته‌ده‌کی تورک شیرکتلرینین ۲۰۱۸ ایلدکی توپلام بازار پایی ایسه یوزده ۴،۶ اولاراق گرچکلشدی.

ایستار: "تورکییه‌دن صنعی ذکا حمله‌سی"

صنایع و تکنولوژی باخانی وارانک، "توبیتاک بنیه‌سین‌ده بیر صنعی ذکا انستیتوتو یاراتماغی پلانلاشدیریریق. بو قوروم، صنعی ذکا ساحه‌سین‌ده نوکلئر تکنولوژیلر گلیشدیره‌جک" دئدی. تورکییه‌نین یئنی تکنولوژیلرده مرکز اؤلکه‌لردن بیری اولماق اوچون بوتون ایمکانلارینی سفربر ائتدیگینی بیلدیره‌ن وارانک، دیجیتال تکنولوژیلری اینکیشاف ائتدیره‌ن شیرکتلرین، آراش‌دیرما گلیشدیرمه (آر-گ) و اینواسیون فعالیتلرینه دستک اولاراق بو ساحه‌ده‌کی یاتیریملارین ساییسینی آرتیرماغا یؤنه‌لیک ایشلر گؤردوکلرینی سؤیله‌دی.