تورکیه مطبوعاتی اؤزتی 16.09.2019
خبر تورک: "ایستانبول هاوا لیمانلاری 70 میلیون یولجویا دوغرو"
تورکیه مطبوعاتی اؤزتی 16.09.2019
وطن: "چاووش اوغلو: تورکیه، قیبریس تورکلری ایله یاخین امکداشلیق ایچینده
دیش ایشلری ناظیری مولود چاووش اوغلو، روم خاریجی ایشلر ناظیری نیکوس هریستودولیدیسین تورکیه ایله قوزئیی قیبریس تورک جمهوریتینین پرزیدنتی مصطفی آکینجینین آراسیندا فیکیر آیریلیغی اولدوغو ایستیقامتیندکی سؤزلرینه آغیر اعتراض گؤستردی. روم مئدیاسینا دانیشان چاووش اوغلو، بیز آکینجی، قوزئیی قیبریس حکومتی و بوتون سیاسی پارتیلرله یاخین امکداشلیق ایچریسیندییک. نیکوس سرحدی آشماسین دئدی. قیبریسده ایکی دولتلی حلّ اولا بیلجگی مساژینی دا وئرن چاووش اوغلو، "طرفلر حاضیر ایسه، بلی، بو اولا بیلر. بیز هر بیر مودئلی دیققته آلیریق" دئدی.
یئنی شفق: "چاووش اوغلو: نتانیاهونون آچیقلاماسی اوتانج وئریجی"
خاریجی ایشلر ناظیری مولود چاووش اوغلو، ایسرائیل باش ناظیری بنیامین نتانیاهونون غرب اوردونداکی اوردون وادیسی ایله غیری-قانونی مسکونلاشمالاری ایلحاق ائتمک نیتینی بیابیرچیلیق کیمی قیمتلندیردی. چاووش اوغلو، "بو اوتانج وئریجی آچیقلاما سئچیملرده بیر نئچه سس چوخ قازانماغا قارشی آلچاقجاسینا بیر تشببوسدور" قیمتلندیرمهسینده اولوب.
خبر تورک: "ایستانبول هاوا لیمانلاری 70 میلیون یولجویا دوغرو"
بو ایلین ژانویه - آوقوست دؤورونده، ایستانبولداکی هاوالیمانلاری مرکزلی ائدیلن 466 مین 906 ایچ و خاریجی خط یوروشو 68 میلیون 448 مین 359 یولجو داشینیب. آتاتورک هاوالیمانیندا بو ایلین ژانویه-آوقوست آیلاریندا ایچ خطی 4 میلیون 227 مین 132 خاریجی خطی 11 میلیون 845 مین 402 یولجو قوناق ائدیلیب. آوریل آییندا تیجاری سفرلره باغلانیلان سؤز قونوسوهاوالیمانیندا، همین دؤورده عمومیلیکده 16 میلیون 72 مین 534 یولجو سیاحت ائدیب.
حریت: "تکنولوژی تشببوسلری اوچون 1.1 میلیارد ماناتلیق 5 یئنی فوند"
صنایع و تکنولوژی ناظیری مصطفی وارانک، "تشببوس سرمایهسی دستکلمه پروقرامی چرچیوهسینده یاراناجاق منبعدن ایستیفاده ائتمهیه حاق قازانان 5 فوند اوچون پروتوکول پروسهسی باشلانیلیب. اکوسیستمیمیزه داخیل اولاجاق 5 یئنی فوندون اؤلکهمیزده یاتیریم قویماق اوچون یاراداجاغی اقایناق مبلغی، ایلک فازادا 628 میلیون لیره اولارکن یئکون مبلغ 1.1 میلیارد لیرهیه چاتاجاق. بو منبعلرله قارشیداکی 5 ایلده اؤلکهمیزده 148 ایلکین مرحله تکنولوژی اساسلی تشببوسه یاتیرم قویولماسینی ایستییریک" آچیقلاماسیندا وئریب.
ایستار: "یئرلی هیدرو پرسی ایله موشک اورهتیلهجک"
کونیا تکنیکی اونیورسیتهسی (KTÜN) و نجم الدین ارباکان اونیورسیتهسی (NEÜ) عالیملری ایله بیر پرس فیرماسی طرفیندن اینکیشاف ائتدیریلن، اوچاق، موشک و اوتوموبیللرین ساج پارچالارینین اورهتیلمهسینی تامین ائدن هیدرو-شکیللندیرمه پرسلری، اؤلکه ایقتیصادینا تؤهفه وئرهجک. تخمینن 10 ایللیک تدقیقاتین سونوندا عالیملر، اوچاق گؤودهسی، موشک و اوتوموبیللرین ساج پارچالارینین یارانماسیندا ایستیفاده ائدیلن یوزه 100 یئرلی هیدرو-شکیللندیرمه دزگاهی اورهتدی. پرس، ایدخال هیدرو-شکیللندیرمه پرس گؤره داها آشاغی خرجله ائمال ائدیلهجک.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.