تورکیه مطبوعاتی اؤزتی 08.10.2019
اردوغان: بالکان‌لارا یؤنلیک سیاستیمیزی دینه اساس‌لاناراق حیاتا کئچیرمیریک"
تورکیه مطبوعاتی اؤزتی 08.10.2019
یئنی شفق: "اردوغان: بالکان‌لارا یؤنلیک سیاستیمیزی دینه اساس‌لاناراق حیاتا کئچیرمیریک"
پرزیدنت رجب طیب اردوغان صربیستانین "پولیتیکا" قزئتینه موصاحیبه وئردی. "بالکان‌لارداکی تاریخی و مدنی علاقه‌لریمیزه چوخ اهمیت وئردیگیمیز حالدا، بالکان‌لارا قارشی سیاستیمیزی دینی محور ایله ایجرا ائتمیریک" سؤیله‌یه‌رک،
بالکان‌لارین هر یئرینده اولورسا اولسون توم بو جوغرافیانین بوتون خالق‌لارینی، صرب‌لر، بوسنیا‌لی‌لار، آلبان‌لار و کوروات‌لار اولماسین‌دان آسی‌لی اولمایا‌راق عصرلر بویو بیرلیکده یاشادیغیمیز دوست‌لاریمیز اولا‌راق گؤروروک. دوست‌لاریمیزلا بیرلیکده اولاجاغیق. "
خبر تورک: "تورکیه، سوریه‌نین قوزئینده تهلوکه‌سیز بؤلگه‌نی اؤزو قورا‌جاق"
سوریه‌نین قوزئینده تهلوکه‌سیز بیر بؤلگه یارادیلماسی اوچون یئنی بیر مرحله باشلادی. آمریکا تورکیه‌نین عملیاتینا دستک وئرمیه‌جگینی و داخیل اولمایاجاغینی آچیقلادی. پرزیدنت رجب طیب اردوغان، عملیاتین قطعیتینی وورغولادی: "بیر گئجه قفلتن گله بیلریک" مساژی.
وطن: گونئی دوغودا نفت و تراکیادا گاز تاپیلدی "
انرژی و طبیعی قایناق‌لار ناظیری فاتیح دؤنمز، تورکیه‌نین یالنیز دنیزلرده دئییل، قورودا دا نفت و گاز آختاریش‌لارینا سرعتله داوام ائتدیگینی ایفاده ائتدی. گونئی دوغو آنادولودا نفت کشف ائتدیک‌لرینی بیل‌دیرن ناظیر دؤنمز، بو نفت کشفی‌نین یاخین زاماندا اعلان ائدیله‌جگینی سؤیله‌دی. تراکیادا گاز کشفیمیز وار. اونلارین یئرلرینی آچیقلامیریق، چونکی سیناق‌لاری هله باشا چاتماییب، اما بون‌لار سئویندیریجی حادثه‌لردیر. "
استار: "ساوونا و هاواجیلیق سکتور 1،9 میلیارد دول‌لارلیق ایخراجات"
تورکیه‌نین ساوونا و هاواجیلیق سکتورو، ایلین 9 آییندا ایخراجاتینی 2018-جی ایلده عینی دؤورونه گؤره یوزده 37.7 آرتیردی. بئله‌لیکله، سکتور بو دؤورده ان یوکسک ایخراجات رقمینه چاتدی. سکتورون ایخراجاتی، کئچن ایلین ژانویه-سپتامبر دؤورونده 1 میلیارد 346 میلیون 869 مین دو‌لاردان، 1 میلیارد 855 میلیون 274 مین دو‌لارا چاتدی.
صاباح: ائتنوسپورا میلیون‌دان چوخ قاتیلیم "
ایستانبول آتاتورک هاوا لیمانیندا دونیا ائتنوسپور کونفدراسیونو طرفین‌دن تشکیل ائدیلن 4. ائتنوسپور مدنیت فستیوا‌لی زیارتچی‌لرین بؤیوک ماراغینا سبب اولدو. 4 گون داوام ائدن فستیوال تخمینن 1 میلیون 200 مین اینسان طرفین‌دن زیارت ائدیلدی. ائتنوسپور فستیوالیندا 12 دالدا عنعنوی ایدمان نوع‌لری ایله یاناشی، تورک مدنیتی‌نین اهمیت‌لی بیر حیسه‌سی اولان یئمک‌لر، صنعتکارلیق و اوشاق اویون‌لاری دا زیارتچی‌لره تانیدیلدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
