تورکیه مطبوعاتی اؤزتی 28.10.2019

تورکیه مطبوعاتی اؤزتی 28.10.2019

حریت: "اردوغان‌دان، اؤلدورولن داعش ترور تشکیلاتی چته‌باشی بغدادی مساژی: دؤنوم نقطه‌سی" پرزیدنت رجب طیب اردوغان، دونن ائتدیگی آچیقلامادا، داعش ترور تشکیلاتی چته‌باشی‌نین اؤلدورولمه‌سی، ترورا قارشی موتتفیکلریمیزله اورتاق یوروتدوغوموز موباریزه‌نین اهمیت‌لی بیر دؤنوم نقطه‌سی اولموش‌دور.

تورکیه بون‌دان اوّل اولدوغو کیمی بون‌دان سونرا دا ترورلا موباریزه‌یه قاتقی تقدیم ائتمه‌یه داوام ائده‌جک.دئدی.

وطن: بوتون ترور لیدرلرینی آرا‌دان قالدیرمانین زامانی گلدی

ایله‌تیشیم باشقانی فخرالدین آلتون، دونن توئیتر حسابین‌دان ائتدیگی آچیقلامادا، تروریزمه قارشی دوست‌لاریمیز و موتتفیکلریمیزین هر شکیلده ایشه داوام ائدیریک. بوتون ترور لیدرلرینی آرا‌دان قالدیرمانین زامانی گلدیدئدی.

ایستار: "سابیها گؤکچن اولوسلار آراسی هاوالیمانینی 240 میلیون یولجو ایستیفاده ائتدی" ایستانبول سابیها گؤکچن اولوسلار آراسی هاوالیمانی (İSG) ترمینال بیناسینی، 31 اوکتوبر 2009 تاریخینده خیدمته گیرمه‌سین‌دن بو یانا 10 ایل ایچری‌سینده 240 میلیون یولجو ایستیفاده ائتدی. هر ایل یولجو ساییسینی آرتیران ایستانبول سابیها گؤکچن‌ده 2018-جی ایلده 34 میلیون 58 مین یولجویا خیدمت وئریلرکن 2019-جی ایلده بو رقمین 36 میلیونا چاتماسی گؤزلنیلیر.

خبر تورک: "8 آیدا 80 اؤلکه‌یه 100 میلیون دو‌لارلیق کورک ایخراج ائدیلدی" تورکیه‌دن بو ایلین ژانویه-آوقوست دؤورونده 80 اؤلکه‌یه تخمینن 100 میلیون دو‌لارلیق کورک ایخراج ائدیلدی. سکتور ایخراجاتی‌نین ذیروه‌سینده 16 میلیون 780 مین دو‌لارلا گونئی کوره ایشتیراک ائتدی، بو اؤلکه‌یه ائدیلن ساتیش اومومی ایخراجاتین یوزده 16سینی میدانا گتیردی.

صاباح: "گنج هالترجیلر 17 قیزیل"

تورکیه، رومانیادا سونا چاتان گنج‌لر و 23 یاش آلتی آوروپا هالتر شامپیونلوغونو 17 قیزیل، 8 گوموش و 13 بورونج مئداللا تاماملادی.