تورکیه مطبوعاتی اؤزتی 04.11.2019
چین‌دن آوروپایا گئده‌جک ایلک یوک قاطاری 6 نوامبردا آنکارادا
تورکیه مطبوعاتی اؤزتی 04.11.2019
وطن: "پرزیدنت اردوغان‌دان سوریه سرحدینه سورپریز زیارت" پرزیدنت رجب طیب اردوغان، شانلیورفاداکی قارا گوجلری قوموتانلیغی ایره‌لی مشترک حرکات مرکزینی زیارت ائده‌رک باریش پیناری عملیاتی ایله علاقه‌دار معلومات آلدی. پروقرامدا میللی ساوونما ناظیری حولوصی آکار، ایچ ایشلر ناظیری سولیمان سویلو، باش قرارگاه باشقانی ژنرال یاشار گولر، قارا گوجلری قوموتانی ژنرال اومید دوندار، هاوا گوجلری قوموتانی ژنرال حسن کیچیک آکیوز، دنیز گوجلری قوموتانی اورامیرال آدنان اؤزبال ایله علاقه باشقانی فخرالدین آلتون دا قاتیلدی.
یئنی شفق: "کؤرپه قاتی‌لی ی.پ.گ / پ.ک.ک-یا اوکتوبردا آغیر ضربه" خالقین باریش، دینج‌لیک و امنیتینی پوزماق ایسته‌ین بؤلوچو ترور تشکیلاتی ی.پ.گ / پ.ک.ک-یا ایستیقامت‌لی اوکتوبر آییندا تشکیل ائدیلن عملیات‌لاردا 1090 تروریست اؤلدورولدو. اؤلدورولن ترورچولار آراسیندا تروردان آختاریلان‌لار سیاهیسیندا قیرمیزی کاتقوری‌ده یئر آلان ایکی تروریست ده وار. تورکیه‌نین جنوب سرحدینده یارادیلماغا چالیشیلان ترور دهلیزی‌نین یوخ ائتمک، بؤلگه‌یه باریش و حضورو گتیرمک مقصدیله 9 اوکتوبردا باشلادیلان باریش پیناری عملیاتی ایله تشکیلاتا آغیر ضربه وورولدو.
خبر تورک: "تورکیه‌دن آمریکا و فرانسایا قیناما" میللی ساوونما ناظیرلیگی، سؤزده ارمنی ادعا‌لارینی قبول ائدن آمریکا نماینده‌لر مجلیسی ایله بؤلوچو ترور تشکیلاتی پ.ک.ک / ی.پ.گ-نی موتتفیق اولا‌راق تعیین ائدن فرانسا میللی مجلیسی قیناندی. باخانلیقدان ائدیلن آچیقلامادا، تاریخی گئرچک‌لری نظره آلما‌دان سؤزده ارمنی ادعا‌لارینی قبول ائدن آمریکا نماینده‌لر مجلیسینی و پ.ک.ک / ی.پ.گ-نی موتتفیق اولا‌راق تعیین دستک آچیقلامالاریندا اولان فرانسا میللی مجلیسینی قیناییر، اعتیدالا دعوت ائدیر ، بو تاریخی و دهشت‌لی سهو‌لردن بیر آن اوّل دؤنمه‌لرینی اومید ائدیریک دئییلدی.
ایستار: "اردوغانین چاغیریشییلا حرکته کئچدی‌لر! تورکیه اوچون چیخارا‌جاق‌لاری "پرزیدنت رجب طیب اردوغانین، علم اینسان‌لاریمیزا اؤلکه‌میزده باشلادیغیمیز علم و تکنولوژی آتیلیمیمیزا دعوت ائدیرم سؤزلریله ائتدیگی چاغیریشا دونیانین دؤرد بیر یانین‌داکی 14 مین تورک حکیم‌دن جواب گلدی. طیب ساحه‌سینده ائتدیکلریله بیر چوخ بین الخالق موکافاتا لاییق گؤرولن علم اینسان‌لاری، آنکارا شهر خسته‌خاناسی بین الخالق WEB پورتا‌لیندا گؤروشدورولدو. 14 مین علم اینسانی، ساغلیقدا دونیا مرکزی اولماغی هدفله‌ین تورکیه اوچون درمان اوره‌ته‌جک، طیبی جیهاز اینکیشاف ائتدیره‌جک، تاریخی عملیات‌لار ائده‌جک.
حریت: "چین‌دن آوروپایا گئده‌جک ایلک یوک قاطاری 6 نوامبردا آنکارادا"
چین‌دن یولا چیخیب، تورکیه اوزرین‌دن آوروپایا کئچه‌جک ایلک یوک قاطاری China Railway Express ، قارص اوزرین‌دن تورکیه‌یه داخیل ائتدی. قاطارین آنکارا گارینا چاتاجاغی 6 نوامبردا نقلیات و آلت یاپی ناظیری جاهیت تورحان‌ین قاتیلیمی ایله مراسیم تشکیل ائدیله‌جک. 'تک قورشاق تک یول پروژه‌سی چرچیوه‌سینده تاریخی آنکارا گاریندا کئچیریله‌جک قارشیلاما مراسیمینه، چین و بؤلگه اؤلکه‌لرین مسئوللاری‌نین ده قاتیلیمی گؤزلنیلیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
