تورکیه مطبوعاتی اؤزتی 26.11.2019
یئنی شفق: "مانیسادان چینه 3 میلیون دولارلیق قورو اوزوم ایخراجاتی"
تورکیه مطبوعاتی اؤزتی 26.11.2019
وطن: تورکیه و قطردن بیرگه بیانات
"پرزیدنت رجب طیب اردوغانین قطر زیارتینده، تورکیه ایله قطر آراسیندا ائدیلن یوکسک ایستراتژیک کومیته بئشینجی ییغینجاغی سونوندا بیرگه بیانات یاییملاندی. معلوماتدا، تورکیه و قطرین سوریهدکی ترورون سونلاندیریلماسی، اورتا دوغودا باریشین برقرار، قیبریس و فیلیسطین پروبلملرینین حلّینه دایر اورتاق قرارلاری یئر آلدی.
حریت: "روسیا دولت باشقانی ولادیمیر پوتین تورکیهیه گلهجک"
روسیا دولت باشقانلیغی سارایی (کرملین) سؤزچوسو دمیتری پسکوو، روسیا دولت باشقانی ولادیمیر پوتینین ژانویه آیینین ایلک گونلرینده تورکیهیه سفرده اولاجاغینی سؤیلهدی. پسکوو طرفیندن ائدیلن آچیقلامادا، پوتینین روس قازینی قارا دنیز و تورکیه اوزریندن آوروپایا داشییان تورک آخیم طبیعی گاز بورو خطینین آچیلیش مراسیمی اوچون تورکیهده اولاجاغی ایفاده ائدیلدی.
ایستار: "میللی پروقرام اوچوراجاق: هاوادا کونترول MARTI-یا کئچیر"
تامامیله یئرلی و میللی اولاراق چیخاریلان MARTIی پروقرامی 2022ده دؤورهیه گیریر. هر اوچاغا، اینسانسیز سیلاحلی و سیلاحسیز هاوا واسطهسینه قورولاجاق یئرلی پروقرام تأمیناتی، هاوادا و دنیزده تورک سیلاحلی گوجلرینه تام کونترول تامین ائدهجک. بو ساحهده فرانسیز بیر فیرمادان آلینان محصولون یئرینی، داها سرعتلی و اوستون تکنیکی خصوصیتلره صاحب، یئرلی پروقرام تأمیناتی MARTI-ی آلاجاق.
خبر تورک: "اورهتیم صنایع قاپاسیته ایستیفاده نیسبتی 15 آیین ذیروهسینده"
اورهتیم صنایعسی اچیینده قاپاسیته ایستیفاده نیسبتی، نوامبردا بیر اوّلکی آیا گؤره 0.8 بال آرتاراق یوزده 77.2یه یوکسلدی. ایلین اوّلیندن بو یانا ان یوکسک سویهیه چاتان نوامبر آیی قاپاسیته ایستیفاده نیسبتی، صنایع اورهتیمیندکی آرتیم گؤزلنتیلری ده گوجلندیردی.
یئنی شفق: "مانیسادان چینه 3 میلیون دولارلیق قورو اوزوم ایخراجاتی"
تورک محصوللاری، اوزاق دوغو اؤلکهلرینده هم لذتی هم کیفیتی، هم ده قیمت اوستونلوگویله ترجیح ائدیلمهیه باشلاندی. فیندیق ایخراجاتینین قاتلاناراق آرتدیغی چینه قورو اوزوم ایخراجاتی دا آرتیما کئچدی. نوامبر آیینین اوّلینده چینده تشکیل ائدیلن سرگییه قاتیلان و اوزون ایللردیر قورو اوزوم ایخراجاتی ائدن آزاد اکینجیلیک، چینین ان بؤیوک قیدا ایدخال فیرمالاریندان Cofco Sundry ایله ماسایا اوتوردو. ایکی قورولوش آراسیندا ایمضالانان آنلاشمایا گؤره تورک فیرماسی، 2 ایل ایچینده چینه 3 میلیون دولارلیق قورو اوزوم ساتیشی رئاللاشدیراجاق.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.