تورکیه پنجره سیندن اورتادوغو (02)
مصرده بیر هفته ایچریسینده، نیظامی محکمهلر طرفیندن حاقلاریندا اعدام قراری وئریلن و بوتون محکمه یوللاری قورتاران 19 محکومون جزاسینین ایجرا ائدیلمهسی، گؤزلرین اخوان لیدر هیاتینه چئوریلمهسینه سبب اولوب
تورکیه پنجره سیندن اورتادوغو (02)
مصرده بیر هفته ایچریسینده، نیظامی محکمهلر طرفیندن حاقلاریندا اعدام قراری وئریلن و بوتون محکمه یوللاری قورتاران 19 محکومون جزاسینین ایجرا ائدیلمهسی، گؤزلرین اخوان لیدر هیاتینه چئوریلمهسینه سبب اولوب.
سینا یاریماداسیندا باش وئرن ترور سالدیریلاری سببیله محاکیمه اولونان 15 نفر حاقیندا اعدام قراری 2017نین سون هفتهسینده 26 دسامبر چرشنبه آخشامی گونو اعدام ائدیلرکن، کفر الشیخ شهرینده تشکیل اولونان بومبالی سالدیریدان مسئول توتموش 4 محکوم اوچون وئریلن اعدام جزاسی دا یالنیز بیر هفته سونرا 2 ژانویه چرشنبه آخشامی گونو اعدام ائدیلیب.
بیر هفته فاصیله اعدام جزالاری ایجرا ائدیلن بو محکوملارین، ترور تشکیلاتی داعش و بیت المقدس کیمی رادیکال تشکیلاتلارا منسوب شخصلر اولدوغو آچیقلانیب.
حاقلاریندا وئریلن اعدام حؤکملرینین ایجرا ائدیلدیگی ایلک قروپ اولان 15 محکومون ایچینده اخوان عضوو و یا تشکیلاتا یاخین آدلارین اولوب اولمادیغی موضوعسوندا هر هانسی بیر آچیقلاما ائدیلمهییب.
قاهیره آرالاریندا بیر هفته عرضینده بو موضوعدا رسمی و غیری رسمی منبعلردن اعتبارلی بیر معلوماتا چاتماق مومکون اولمادی.
آنجاق بیر هفته سونرا 2 ژانویهده یئنه چرشنبه آخشامی سحری و یئنه ایسکندریه بورج العرب حبسخاناسیندا 4 محکوم حاقینداکی اعدام قرارینین داها ایجرا ائدیلمهسینین سونرا وضعیت قیسمن دییشیب.
مصر خاریجیندن یایینلانان اخوان-ا یاخین مئدیا اورقانلاری مسئلهنی داها فرقلی شکیلده اله آلماغا و اعدام ائدیلن محکوملارین محکمه پروسهسینی تنقید ائتمهیه باشلادی.
اخوان-ا یاخین منبعلرین بو وضعیت قارشیسیندا تعجبو گؤزلردن قاچمایان، تئرمینله کیمسهنین آغزینی بیچاق آچمیر.
قاهیره محفللر ایله اعتبارلی منبعلردن الده ائدیلن آنجاق رسمی اولمایان معلوماتلارا گؤره، اعدام ائدیلنلر آراسیندا اخوان منسوبلاری دا وار.
آدینین آچیقلانماسینی ایستمهین و تشکیلاتا اولدوقجا یاخین آدلاردان آلینان معلوماتا گؤره، 2 ژانویهده اعدام ائدیلن 4 محکومون هامیسی اخوان منسوب و یا تشکیلاتا یاخین آدلاردان یارانارکن اوّلکی چرشنبه گونو اعدام ائدیلن 15 محکومدان دا 2سی اخوان منسوبو.
قایناقلاریمیزا گؤره، 8 گون عرضینده اعدام ائدیلن 19 محکومون 6سی اخوان-دان.
اخوان نیه بیانات وئرمیر؟
تشکیلاتین مسئله ایله باغلی آچیقلاما وئرممهسینین فرقلی سببلری وار.
بونلاردان ایلکی متهیملرین ترور گوناهلاندیرماسیندان جزالانیب و اؤلوملرینین اعدام ائدیلمیش اولماسی. اخوانین بو محکوملارا صاحب چیخماسی، تشکیلاتا قارشی "ترور تشکیلاتی" اتهاملارینین اثباتی و یا اتهاملارین ضمنی قبولو آنلامینا گله بیلر. بو دا حالی ایله حاکمیته یاخین دایرهلرین و مئدیانین "چؤرهگینه یاغ سورتمک" اولار. پرزیدنت سئچیملرینین یاخینلاشدیغی بو دؤورده محکمه یوللاری کسیلمیش و یالنیز پرزیدنت عبدالفتاح السیسینین تشببوسونه (عفو و یا تصدیقینه) قالمیش محکوملارا صاحب چیخماق اخوان-ا ضرر وئره بیلر.
ایکینجی سبب ایسه یاخینلاشان سئچیملر عرفهسینده ایجتیماعیتین دقتینی چکممک. مصر خالقی سون دؤورده داها چوخ حیات باهالیلیغی و جیبینی دوشونور حالا گلدی. بو وضعیتدن ده حکومت مسئول توتولور. مومکون آچیقلاما، ان گئج قارشیداکی آوریل آییندا کئچیریلمهسی گؤزلنیلن پرزیدنت سئچیملری عرفهسینده اونلارلا ایللردیر کی "شامار اوغلانی" حالینا گلن و ایدارهلرین "قورخولوق" کیمی ایستیفاده ائتمک ایستدیکلری اخوان-ی یئنی هدف تاختاسینا قویا بیلر.
اوچونجو سبب ده احمد شفیق مسئلهسی. اخوان-ین اعداملارا اعتراضی و ایفراط اعتراضی، حسنی موبارک دؤورونون باش ناظیرلریندن احمد شفیقین پرزیدنتلیگه نامیزدی اولماسی وضعیتینده، دولت ایله امکداشلیق ائدهجکلری شکلینده یوروملانیر.
بئله چیخیر کی اخوان رهبرلیگی سئچیملر عرفهسینده خالقین دقتینین مئدیا واسطهسی ایله تکرار اوزرینه چکیلمهسی و یئنیدن "دوشمن" اعلان اولونماسیندان احتیاط ائدهرک سسسیزلیغی ترجیح ائدیر.
سسسیز اعتراضین مومکون نتیجهلری
تشکیلاتین سوسقونلوغونو قوروماسی و یا سوساراق اعتراض گؤسترمهسی شکلیندکی بو موقعیتینی داوام ائتدیرمهسینین، اعدام قرارلارینین ایجراسینین اخوان-ین لیدر هیاتینه اوزانماسینی سادهلشدیرمهسیندن ناراحاتلیق ائدیلیر.
چونکی اخوان رهبرلیک شوراسینین باشقانی محمد بدیعی، تشکیلاتین ایکینجی آدام خیرات شاطیر، آزادلیق و عدالت پارتیسینین باش کاتیبی محمد البیلتاجی،حریت و عدالت پارتیسینین باشقان معاوینی عسام الریان و کئچمیش مجلیس باشقانی سعد الکتاتنی کیمی آدلار بارهسینده وئریلمیش اعدام جزالاری وار.
همین آدلار حاقینداکی اعدام جزالاری ایلک درجه محکمهلر طرفیندن وئریلیب. بعضی متهیملر حاقینداکی قرارلار عالی محکمهلرله پوزولدو آنجاق عالی محکمهسی داوام ائدن و پوزولمایان اؤلوم ایشلرینین محکمه ایجلاسلاری دا سورور.
آوریل آییندا کئچیریلمهسی پلانلاشدیریلان سئچیملره قدر محکمه پروسهسینین باشا چاتماسی و اخوان-ین رهبر هیاتیندن بیر نئچه آدین ده اعدام ائدیلمهسی احتیمالیندان ناراحاتلیق ائدیلیر.