دیش ایشلریندن اوکراینا آچیقلاماسی
خاریجی ایشلر باخانلیغی، اوکراینادا دؤولت باشقانلیغی سئچیملرینین گئنیش قاتیلیملا گرچکلشدیریلمیش اولماسیندان سئوینج دویولدوغونو بیلدیردی
خاریجی ایشلر باخانلیغی، اوکراینادا پتر پوروشئنکونون ظفریله نتیجهلنن دؤولت باشقانلیغی سئچیملرینین گئنیش قاتیلیملا گرچکلشدیریلمیش اولماسیندان سئوینج دویولدوغونو بیلدیردی.
باخانلیقدان وئریلن آچیقلامادا، "دؤولت باشقانلیغی مقامی طرفیندن الده ائدیلن مشروع و دموکراتیک یئتکینین، اؤلکهنین اوزون مدتدیر ایچینده اولدوغو بحرانین خالقین بوتون کسیملرینی و اؤلکهنین بوتون بؤلگهلرینی قابسایان قاتیلیمچی و آنلاملی بیر دیالوگ پروسهسی ایله آشیلماسی اوچون چوخ اؤنملی بیر فرصت یاراتدیغی قناعتیندهییک" دئییلدی.
اولوسلارآراسی قورولوشلارلا چئشیدلی اؤلکهلردن چوخ ساییدا گؤزلمچینین ایزلهدیگی سئچکیملرین دموکراتیک استانداردلارا اویغون اولاراق اؤزگور و عدالتلی بیر شکیلده گرچکلشدیریلدیگی خصوصوندا شبهه اولمادیغینا ایشاره ائدیلن آچیقلامادا، اوکراینادا داوام ائدن بحرانین دیالوگلا سونا چاتدیریلاراق، سیاسی ثابیتلیگین یئنیدن تامین ائدیلمهسی و اؤلکهنین رفاه و اقتصادی قالخینما یولوندا ایرهلیلمهیه باشلاماسینین تورکیهنین ان بؤیوک دیلهگی اولدوغو، بوندان بؤلگه و ایلگیلی بوتون اؤلکهلرین قازانجلی چیخاجاغی ایفاده ائدیلدی.
آچیقلامادا، تورکیهنین، اوکراینایلا یاخین امکداشلیقدا اولمایا و چئشیدلی ساحهلردکی تجروبهلرینی پایلاشماغا داوام ائدجیی قید ائدیلدی.
ایلگیلیلی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقهسی ساخلاییب.