بایرامینیز قوتلو اولسون!
لیدئرلر بایرام مناسبتی ایله مئساژ یاییملایاراق دونیادا و بؤلگهده یاشانان آجیلارا دقت چئکدی
بوگون تورکیهده رمضان بایرامی.
لیدئرلر بایرام مناسبتی ایله مئساژ یاییملایاراق دونیادا و بؤلگهده یاشانان آجیلارا دقت چئکدی.
پرزیدنت عبدالله گول، مئساژیندا، غزه، عراق و سوریه باشدا اولماق اوزره ایسلام جغرافیاسیندا یاشانان آجیلارین سونا چاتماسینی آرزو ائتدی. ایسلام دونیاسینین رمضان بایرامینی بوروق قارشیلادیغینی ایفاده ائدن گول، "غزهده اینسانلیغا قارشی بؤیوک بیر سوچ ایشلنمکدهدیر، قایغی وئریجی اولان بوتون طرفلرین پروسه قارشیسیندا یئترسیز قالماسیدیر" دئدی.
جمهورباشقانی گول، قان و گؤز یاشینین دورماسی، چئکیلن اذیتلرین سونا چاتماسی اوچون ایسلام دونیاسینی و اولوسلارآراسی توپلومو گؤرهوه چاغیردی.
گول، جومهورباشقانلیغی وظیفهسینی ۲۸ آگوستدا تاماملایاجاغینی خاطیرلاداراق، مئساژینی، "'خالقا خیدمت حاقا خیدمت" آنلاییشی ایله میلتین خیدمتینده اولماغا داوام ائدهجهیم" وداع سؤزلری ایله بیتیردی.
تورکیه بؤیوک میلت مجلیسی باشقانی جمیل چیچک ده مئساژیندا؛ "ایسلام دونیاسینین ایچینده اولدوغو حزین وضعیت، بیزیم ده رمضان بایرامینی سئوینج ایچینده قوتلامامیزا ایمکان وئرمیر" دئدی.
چیچک، قارداش خالقلارین چئکدیکلری آجیلارین سونا چاتماسی؛ دینجلییه حسرت قالان دوست اؤلکهلرین تورپاقلاریندا آخان قانین بیر دورماسی، اینسانلارین قوروخوسوز بیر شکیلده، گونلرینی گوونلی و اؤزگور بیر شکیلده گئچیرمهسینی آرزو ائتدی.
باشباخان رجب طیب اردوغان ایسه، مئساژیندا، غزهده یاشانان آجیلارا توخوندو.
اردوغان، "هر زامان ظالمین قارشیسیندا، مظلومون یانیندا یئر آلمیش بیر میلت اولاراق، قیرغینلار قارشیسیندا سسسیز قالمادیق" دئدی.
غزهدهکی قیرغینلار قارشیسیندا سسسیز قالینمادیغینی ایفاده ائدن اردوغان، "اؤزوموز اوچون ایستدیکلریمیزی، بؤلگهمیز باشدا اولماق اوزره بوتون دونیا اوچون ایستمهیه داوام ائدجییک" دئدی.
ایلگیلیلی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماسلارینی داوام ائتدیریر.