"مشروع مدافعه اولا‌راق گؤرولمز"
باشباخان رجب طیب اردوغان، غزه‌ده اینسانلیغین اؤلدوگونو، اینسانلیق ویجدانی‌نین جان چئکیشدیگینی ایفاده ائتدی
جمهورباشقانی آدایی و باشباخان رجب طیب اردوغان، غزه‌ده اینسانلیغین اؤلدوگونو، اینسانلیق ویجدانی‌نین جان چئکیشدیگینی ایفاده ائده‌رک، "دونیانین هئچ بیر یئرینده، تاریخین هئچ بیر دؤورونده بئله حقوق‌سوز، اینصاف‌سیز، ویجدان‌سیز بیر سالدیری مشروع مدافعه اولا‌راق گؤرولمز، مدافعه حاقی اولا‌راق گؤروله‌بیلمز" دئدی.
اردوغان، دونن، آک پارتی ایستانبول ائل باشقان‌لیغی‌نین بایراملاشما مراسیمینه قاتیلدی. باشباخان اردوغان، ایسراییل سالدیری‌لاری آلتین‌داکی غزه‌ده رمضان بایرامی‌نین یاشانامادیغینا دقت چئکدی.
غزه‌لی اوشاق‌لارین بایرام‌لارینی اؤزللیکله قوتلادیغینی وورغولایان اردوغان، شیرینلیک توپلایاممایان، پارک‌لارا گئدیب اوینایاممایان، بایراملیق آلا‌بیلمه‌ین، طبی یاردیم آلا‌بیلمه‌دیگی اوچون اللرینی آیاق‌لارینی ایتیرن غزه‌لی اوشاق‌لار اوچون سونراکی بایرام‌لارین بایرام اولماسینی اورک‌دن آرزو ائتدیگینی قید ائتدی.
اردوغان، ۳ ایسراییل‌لی وطنداشین اؤلومونه قارشی غزه‌یه ایسراییل سالدیری‌لاریندا ۱۱۰۰ نفره یاخین وطنداشین اؤلدوگونو، ایسراییلین حماسین راکت‌لرینی بهانه ائده‌رک، گرچکلشدیردیگی قیرغینی، سوی‌قیریمی دونیایا مشروع گؤسترمه‌یه چالیشدیغینی سؤیله‌دی. اردوغان، اولوسلارآراسی توپلومون دا، غزه درامینا قارشی حرکته گئچمه‌سینی ایسته‌دی.
اردوغان چیخیشیندا غزه قونوسوندا، آرا‌لاریندا تورکیه رادیو تلویزونو قورومو ت‌رت‌نین ده اولدوغو چئشیدلی قوروم و قورولوشلارلا، سیویل توپلوم هؤزگوتلری و کؤنول‌لو قورولوش‌لاری اؤزوئریلی چالیشمالاری اوچون تبریک ائتدی.
ایلگیلی‌لی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماس‌لارینی داوام ائتدیریر.
