آنالیز/ تورکیه‌نین سوریه ده مقصدی آیدیندیر: سوریه نین اراضی بوتؤولوگونو قوروماق
تورکیه‌نین روسیا و ایران ایله یاخین علاقه‌لر اینکیشاف تلاشلاری، سوریه ده سون نیظامی فعالیتلرینین تامامیله دستکله‌نمه‌سی اوچون زمینین حاضرلانماسین‌دا کؤمک ائتمیشدیر
تورکیه‌نین سوریه ده مقصدی آیدیندیر: سوریه نین اراضی بوتؤولوگونو قوروماق، هر هانسی بیر اتنیک و / و یا مذهب چاتیشمادان قاچماق و بوتون سوریه لیلر ایچینه آلاجاق قانونی و احاطه ائدیجی بیر سیاسی نظمه کئچیشی دستکله‌مک.
چینین دینج‌لیک وئره‌ن هانگزو شهرین‌ده 4-5 سپتامبردا تشکیل ائدیله‌ن G20 ایجلاسی، دونیانین ان بؤیوک ایقتیصادلارینین لیدرلرینی قلوبال ایقتیصاد و ایقلیم دییشیک‌لیگی اوزرینه چوخ بیر تقویم گؤروشمک اوزره بیر آرایا گتیردی.
آنجاق ایجلاس‌دا آیریجا تروریزمله موباریزه، قاچقین بحرانی و سوریه ده داوام ائد‌ن ساواش کیمی عاجیلیتی اولان ژئوسیاسی مسئله‌لر ده مذاکیره ائدیلیب.
ژئوپولیتیک دوروش آلما و مانورلار بو طرز توپلانتیلارین اساس خصوصیتلرین‌دن بیری‌دیر و بو توپلانتی دا بیر استیثناء دئییلدی.
تروریزمین گوج و قطعیتله موباریزه ائدیلمه‌سی لازیم اولان قلوبال بیر تهدید اولدوغو اوزرینه اونیورسال بیر راضی‌لیق اولماسینا باخمایاراق، کیمین تروریست اولدوغو اوزرینه آنلاشیلمازلیقلار داوام ائدیر.
بین الخالق توپلومون سوریه دکی ساواشی دایاندیرماقدان و داعشی تروریزمینین یاراتدیغی قورخو و تهدیدی یوخ ائتمک‌ده سرگیلدیگی باشاریسیزلیک ژئوسیاسی گوج نوماییشیله یاخین‌دان علاقه‌لی و چوخ تأسف کی سوریه ساواشی بو نوماییشین باشلیجا صحنه‌سی اولماغا داوام ائد‌جک کیمی گؤرونور.
بو وضعیته باخمایاراق، دونیا لیدرلری ساحه‌ده‌کی یئنی دینامیکی چوخ ماراق گؤستردیلر: تورک مرزینی داعش'دن تمیزله‌یه‌ن و اعزاز ایله جرابلوس شهرلری آراسین‌دا یاشایان اون مینلرله سوریه لیلر نفس آلدیران تورک سیلاحلی قوّتلری (TSK) طرفین‌دن 24 آوقوست‌دا ائدیله‌ن فیرات قالخانی عملیاتی.
بو حرکات عینی زاماندا سون ایکی ایلدیر بیر چوخ آلت-اوست تشکیلاتلا قارشیلاشان آزاد سوریه اوردوسو اوچون ده بیر نیظامی ظفر و معنوی یوکسلدیجی اولدو. آیریجا، فیرات قالخانی عملیاتی، بین لخالق آکتورلارین دستگی اولسون یا دا اولماسین، تورکیه‌نین داعشی یوخ ائتمک و آلچالدماقداکی جیدیلیگی و دایانیق‌لی‌لیغینی دا ثبوت ائتمیشدیر.
نیظامی حرکاتین یانین‌دا، فیرات عملیاتین دیپلوماتیک و سیاسی باشاریسی دا نظره آلینمالی‌دیر.
تورکیه‌نین روسیا و ایران ایله یاخین علاقه‌لر اینکیشاف تلاشلاری، سوریه ده سون نیظامی فعالیتلرینین تامامیله دستکله‌نمه‌سی اوچون زمینین حاضرلانماسین‌دا کؤمک ائتمیشدیر.
بو نقطه‌وورغولانمالیدیر؛ تورکیه، مرزلری بویونجا صاحب اولدوغو قانونی ساوونما حاقینی ایستیفاده ائدیر. بون‌دان باشقا، تورکیه نیظامی عملیاتلارینی ساحه‌ده هر هانسی بیر چاتیشمادان قاچماق اوچون علاقه‌لی طرفلرله کووردیناسیون ایچین‌ده ایجرا ائتمک‌ده‌دیر.
بو ظفر، بیر چوخ باخیم‌دان اهمیت‌لی اولسا دا، سوریه بولماجاسینین یالنیز بیر حیسه‌سی. حلب‌ده گئتدیکجه پیسلشه‌ن وضعیت سوریه دکی بوتون ماراق‌لی طرفلر اوچون بیر بؤیوک ناراحات‌لیق قایناغی.
گؤزلنیلدیگی کیمی مسلمانلارین اید ال- آدها اولاراق دا بیلینه‌ن قوربان بایرامی اؤنجه سی دوشمنچیلیگین سونا چاتدیریلماسی راضیلاشماسینین اعلان ائدیلمه‌سی آمریکا، روسیا و تورکیه آراسین‌داکی دانیشیقلارین گوندمیندئیدی.
راضیلاشمانین، تاماملاندیغین‌دا حلب و اطرافین‌داکی سیویل اهالییه چوخ احتیاجلاری اولان نفس آلما ایمکانینی تامین ائد‌جک. راضلاشمانین، جنوب‌دا شام‌دان و شمال‌دا تورکیه‌دن گله‌جک اینسانی یاردیمی آسانلاش‌دیراجاق. آیریجا راضیلاشما اگر داوام ائتسه، رژیم و مخالیفلر آراسین‌دا سیاسی دانیشیقلارین توکنمیش بیرلشمیش میللتلری چتیری آلتین‌دا تکرار باشلادیلماسی اوچون ده بیر ساحه‌ده یاراداجاق.
آتشکس اوچون قیسمه‌ن بیر راضیلاشماغا چاتماق بیر شئی، ساواشی سونا چاتدیرماغی تامین ائدیلمه‌سی ایسه باشقا بیر شئی‌دیر.
بئشینجی-جی ایلده سوریه ساواشی، هر کسی، یئرلی و موقتی آتشکس بؤیوک ظفرلر اولاراق قید اولوندوغو بیر نقطه‌یه گتیره‌جک قدر ییپراتمیشدیر. هر گون اونلارلا اینسانین اؤلدویو سوریه ده تک بیر حیاتی بئله قورتارماق اوچون ائدیله‌جک موقاویله‌لرین هامی‌سینی هر کسین دستکله‌مه‌سی لازیم اولارکه‌ن، سون مقصد ساواشی سونا چات‌دیرماق اولمالی‌دیر. سوریه تورپاقلارین‌دا تروریزمی آرادان قال‌دیرماق، قاچقین بحرانینی نظارت آلتینا آلماق و سوریه خالقینین تکرار نورمال بیر حیات یاشاماسی اوچون تک یول بودور.
دولایسییلا بو وضعیت منی قاچقین پروبلمینه گتیریر - اوروپالیلارین یالنیز یاش‌لی قارّه ناراحات اولدوغون‌دا اهمیت وئردیگی، اما اکثریتی سوریه دن گلن قاچقینلار اوروپا تورپاغینا چاتماغی سیناغی بوراخدیغین‌دا یا دا ساده‌جه بونو باجارا بیلمدیگی آندا ساووشدورولان پروبلمه.
آز بیر استثناء ایله، کئچه‌ن عصرین سون یاریسین‌دا میدانا گلن ان جیدی قاچقین بحرانلارینا اوروپانین وئردیگی اعتراضا ان یونگول دئییمیله اوتانج وئریجی‌دیر. اوروپالیلارین اکثریتی سانکی بیز قلوباللاشمیش و بیر-بیرینه باغلی بیر دونیادا یاشامیرمیشیق کیمی حرکت ائدیرلر و ترسینه عقل‌سیز، قاچقین پروبلمین اوزاقلاشیب گئده جگینی یا دا ساده بیر شکیل‌ده "شرق‌لیلر" اوچون بیر پروبلم اولاراق قالاجاغینی دوشونورلر.
داها دا پیسی، آنا آخین اوروپا سیاستی، غیری-قانونی گؤچوو دایان‌دیرماق و اوروپانین صاف و مدنی پروسپکتلرین‌ده قوروماق آدینا دستک‌لنه‌ن و ال اوستون‌ده توتولان خاریجی دوشمه‌نی و عیرق‌چی جرایانلارلا گئتدیکجه داها درین‌دن یولوخموش اولماغا باشلامیشدیر. بو نه اخلاقی جهتدن قبول ائدیله بیلر، نه ده سیاسی مدافعه اولونا بیر وضعیت‌دیر. اگر اوروپا قاچقین بحرانینی حقیقته‌ن اهمیت وئریرسه سوریه دکی ساواشی سونا چات‌دیرماق، اورادا، عراق‌دا و بؤلگه‌د‌کی باشقا یئرلرده باریش و نظمین تامین ائدیلمه‌سینه کؤمک ائتمک اوچون داها بؤیوک و داها جیدی مسئولیتلر آلمالی‌دیر.
تورکیه‌نین سوریه دکی مقصدی آیدیندیر: سوریه نین اراضی بوتؤولوگونو قوروماق، هر هانسی بیر اتنیک و / و یا مذهب چاتیشمادان قاچماق و بوتون سوریه لیلر ایچینه آلاجاق قانونی و احاطه ائدیجی بیر سیاسی نظمه کئچیشی دستکله‌مک.
پ.ک.ک تبلیغاتینین عکسینه تورکیه سوریه ده کوردلرله دؤیوشمور.
ساده‌جه، پ.ک.ک-نین سوریه قانادی اولان "خالق قوروما بیرلیکلری '(ی.پ.گ) نین تروریست کومپلولارینا قارشی اؤزونو و سوریه لیلر قورور.
بو وضعیتی "سوریه لی کوردلره" قارشی بیر ساواش اولاراق تقدیم ائتمک ان ساده شکلیله چوخ چیرکین و اؤلچوسوز بیر حرکت‌دیر. تورکیه‌نین سوریه دکی، عراق‌داکی یا دا ایرانداکی کوردلرله هئچ بیر پروبلمی یوخدور. تورکیه‌نین هر هارادان گلیرسه گلسین تروریست تشکیلاتلارلا پروبلمی واردیر. عینیله داعش'ه قارشی موباریزه‌نین مسلمانلارا قارشی گیریشیلمیش بیر ساواش اولماماسی کیمی، پ.ک.ک-یا و اونون ترور ایخراج ائتدیگی اوزانتیلارینا قارشی وئریله‌ن موباریزه ده سوریه و یا باشقا بیر یئرده کوردلره قارشی آچیلان بیر ساواش دئییل.
بیز مسلمانلارین یاخینلاشان قوربان بایرامینی و حج فرضینی قید ائتمه‌یه حاضیرلانارکن، دونیانین سایسیز مظلوم خالقلاری بیرلیک‌ده سوریه خالقینین نفس آلماسی و دیگر بوتون اینسانلار کیمی و باریش و سوکونت ایچین‌ده یاشاماسی اوچون اومید و دعا ائدک.
