ژنرال آکاردان اسلامی ترور آچیقلاماسی
73 اؤلکه‌نین باش قرارگاه باشقان‌لاری ایله ناتو و آوروپا بیرلیگی نماینده‌لری ترور کنفرانسینا قاتیلدی
باش قرارگاه باشقانی خولوصی آکار، اسلامین ترور هؤرگوتلری ایله بیرلیکده آنیلماسی‌نین یانلیش و "اسلامی ترور" تانیملاما‌سی‌نین قبول ائدیلمز اولدوغو وورغوسو ائتدی.
آمریکادا تشکیل ائدیلن، آکارین یانی سیرا، 73 اؤلکه‌نین باش قرارگاه باشقان‌لاری ایله ناتو و آوروپا بیرلیگی نماینده‌لری‌نین ده قاتیلدیغی، "آشیری ترور هؤرگوتلری ایله مباریزه باش قرارگاه باشقان‌لاری کنفرانسینا باغلی آچیقلاما وئریلدی.
بونا گؤره، ویرجینیا ایالتین‌دکی آمریکا حربی مرکزی فورت بلویرده تشکیل ائدیلن باش قرارگاه باشقان‌لاری کنفرانسیندا اله آلینان اؤنملی قونولاردان بیری، اسلام ایله ترورون یان یانا گتیریلممه‌سی و بونا قارشی اورتاق چابانین گرک‌لی‌لیگی اولدو.
ژنرال آکار، دانیشماسیندا، تورکیه‌نین بؤلگه گوونلیگینه وئردیگی قاتقی‌لارین یانیندا اسلام دینی‌نین ترور هؤرگوتلری ایله آنیلماسی‌نین یانلیش اولدوغو و بو جور تانیملامالارا قارشی بیرگه چابا گؤستریلمه‌سی لازیم اولدوغونو وورغولادی.
آکار، کنفرانسدا آیریجا، تورکیه‌نین فتح‌الله‌چی ترور هؤرگوتو (فئتو) ایله مباریزه‌سینه ده توخوندو و مخاطبلرینه، هؤرگوتون، تورکیه‌نین میلی گوونلیگینی تهلوکه‌یه آتماغا قالخیشدیغی بیلگیسینی پایلاشدی.
