چاووش اوغلو:"آوروپا شوراسیندان طرفسیز و یاپیجی موضع گؤزلییریک"
خاریجی ایشلر ناظیری مولود چاووش اوغلو آوروپا شوراسیندان طرف سیز و یاپیجی موضع گؤزلهدیکلرینی سؤیلهییب.
خاریجی ایشلر ناظیری مولود چاووش اوغلو آوروپا شوراسیندان طرف سیز و یاپیجی موضع گؤزلهدیکلرینی سؤیلهییب.
چاووش اوغلو ایستانبولدا تشکیل ائدیلن اینسان حاقلاری فعالیت پلانینین حیاتا کئچیریلمهسی و راپور حاضیرلانماسینی دستکلمه لاییحهسینین آچیلیش کنفرانسیندا ائتدیگی چیخیشدا تورکیه-نین ده قوروجو عضوو اولدوغو آوروپا شوراسیندان اهمیتلی قازانجلار الده ائتدیگینی و علاقهلرین قارشیلیقلی منفعته اساسلاناجاق شکیلده هر کئچن گون داها دا گوجلندیگینی ایفاده ائدیب.
چاووش اوغلو سون 20 ایلده آوروپا شوراسی ایستاندارتلاری و آوروپا بیرلیگینین اساسلارینا اویغون اولاراق 2 میندن چوخ قانون قبول ائتدیکلرینی خاطیرلادیب و آوروپا شوراسیندان آلینان دستکی بوندان سونرا دا گؤرمک ایستهدیکلرینی بیلدیریب.
چاووش اوغلو هر زامان یاپیجی تنقیده آچیق اولدوقلارینی دا سؤیلهییب.
"آوروپا شوراسینین خصوصاً پارلامئنت قانادینین طرف سیز، یاپیجی و سیاسی موتیولردن آزاد اولماسینی گؤزلییریک. آرتان پوپولیزم، آیری-سئچکیلیک، خاریجی دوشمنلیگی و آنتی-ایسلامیزم کیمی عمومی دیرلریمیزی سارسیدان آکتوال پروبلئملره ده آکتیو شکیلده جاواب وئرمک اوچون سعیلری آرتیراجاغینی دا گؤزلییریک" -دئیه چاووش اوغلو وورغولاییب.
ناظیر چاووش اوغلو تورکیه-نین آوروپا شوراسینی داها گوجلو حالا گتیرمک، یاراتدیغی بیرگه دیرلری قورویوب ایرهلی سویهلره قالدیرماق اوچون تحفه لرینی داوام ائتدیرجگینی بیلدیردی.