ترت باش مودورو سوباجی، ترت وورلد فورومدا دانیشدی
"بو گون قلوبال ایلهتیشیم سیستمینده حدوغرو و یالان، گئرچک و یانیلسامانین ایچ ایچه گئچدیگینی گؤروروک"
ترتنین باش مودورو محمد زاهد سوباجی، قلوبال ایلهتیشیم سیستمینده دوغرو و یالان، گئرچک و یانیلسامانین ایچ ایچه گئچدیگینی سؤیلهدی.
سوباجی،بو ایل ۶.جی دفعه تشکیل ائدیلهن ترت وورلد فوروم ۲۰۲۲نین آچیلیشیندا، داها یاخشی بیر گلهجک اوچون مؤوجود وضعیتی بوتون آچیقلیغی ایله اورتایا قویمانین و غیر معینلیکلرین ایمکانا چئوریلمه پتانسیلینی دگرلندیرمهنین اؤنمیینی وورغولادی.
سوباجی، فیکیرلره، باخیش آچیقلارینا و دونیاداکی فرقلی سسلره ائو صاحبلیگی ائدن تورکیهنین بیر چوخ قلوبال بحرانین حلینده اساس رول اوینادیغینی، طرفلری بیر آرایا گتیردیگینی و دیالوگ اوچون گوونلی بیر لیمان یاراتدیغینی بیلدیردی.
سوباجی، تاخیل بحرانیندا دهلیز آچان، اسیر موبادیلهسینده ضامن اولان، کووید-۱۹ سالقینیندا ۱۵۰دن چوخ اؤلکهیه یاردیم ائدن، ۸ میلیارد اینسانین هر بیری اوچون موباریزه آپاران تورکیهنین داها عدالتلی بیر دونیانین مومکون اولدوغونو اؤزده، سؤزده و عملده اورتایا قویدوغونو ایفاده ائتدی.
قلوبال پروبلئملرین حلینده مئدیانین بؤیوک رولو اولدوغونو وورغولایان سوباجی بئله داوام ائتدی:
"بو گون قلوبال ایلهتیشیم سیستمینده حدوغرو و یالان، گئرچک و یانیلسامانین ایچ ایچه گئچدیگینی گؤروروک. بعضاً قصداً، بعضاً ده فرقینده اولمادان داوام ائتدیریلن بو قاریشیقلیغا قارشی دورماغین یالنیز بیر یولو وار. بوتون بونلارا باخماق اوچون یالنیز بیر یول وار. فیلترلرله دئییل عدالتلی بیر پنجرهدن دونیانین بوتونونه باخابیلمک. یعنی گوجلو ایله ضعیف آراسیندا فرق قویمادان حق ایلکهسیندن حرکتله بیر خبرچیلیک و یایینچیلیق ائدهبیلمک".
ترت باش مودورو، داها عدالتلی دونیا موباریزهسینه مئدیا ساحهسینده باجاردیقلاری قدر قاتقی وئرمک اوچون چابا گؤستردیکلرینی بیلدیردی.
ایلگیلیلی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماسلارینی داوام ائتدیریر.