جمهور باشقانی اردوغان پارتیاسی‌نین قروپ توپلانتی‌سیندا چیخیش ائدیب
جمهور باشقانی رجب طیب اردوغان تورکیه جمهوریتی‌نین یئنی عصرینی میللتله بیرلیکده یارادا‌جاق‌لارینی بیان ائدیب.
جمهور باشقانی رجب طیب اردوغان تورکیه جمهوریتی‌نین یئنی عصرینی میللتله بیرلیکده یارادا‌جاق‌لارینی بیان ائدیب.
جمهور باشقانی رجب طیب اردوغان لیدری اولدوغو عدالت و اینکیشاف پارتیاسی‌نین (آک پارتیا) تورکیه بؤیوک میللت مجلیسینده قروپ توپلانتی‌سیندا چیخیش ائدیب.
چیخیشیندا اثر و خیدمت سیاستینی وورغولایان دؤولت باشچی‌سی قارا دنیزده‌کی یئنی کشف‌لرله طبیعی گاز ذخایرینی 710 میلیارد متر مکعبه چاتدیردیق‌لارینی، طبیعی گازین ایلک مرحله سینی مارس آیی‌نین سونوندا چیخاراجاق لارینی بیلدیریب.
جمهور باشقانی رجب طیب اردوغان آدانا و جیزره‌دکی سون کشف‌لرله نفت اوره تیمینی ده اهمیت‌لی درجه‌ده آرتیردیق‌لارینی ایفاده ائدیب.
تورکیه-نین الکتریکلی اتومبیل ساحه‌سینده خیدمت گؤسترن قلوبال تکنولوژی مارکاسی "توگ"ون فابریکاسینی قورا‌راق یئرلی لاییحه‌نی رئاللاشدیردیق‌لارینی وورغولایان جمهور باشقانی اردوغان، اطراف موحیط و شهرچی‌لیک باخیمیندان دونیانین ان بؤیوک توپلو یاشاییش لاییحه‌لریندن بیری اولان کامپانیایا باشلادیق‌لارینی بیلدیریب.
اردوغان وطنداش‌لاری اقتصادی جهت‌دن راحت‌لاش‌دیرماق اوچون آددیم‌لار آتدیق‌لارینی و بوندان سونرا دا آتا‌جاق‌لارینی بیلدیریب.
دؤولت باشچی‌سی ساوونما صنایع سینده اینکیشاف ائتدیردیگی راکت‌لر، پیلوت‌سوز اوچوش آپارات‌لاری و پیلوت‌سوز دؤیوش اوچاغی "کیزیل آلما"نین دونیادا بؤیوک سس یاراتدیغینی دئییب.
تورکیه-نی یاتیریم، استخدام و صادرات ایله بؤیوتمه‌یه داوام ائده‌جک‌لرینی وورغولایان جمهور باشقانی رجب طیب اردوغان اونو دا علاوه ائدیب کی، بیز دموکراسی‌میزی گوجلندیرجییک، مظلوم‌لارین سسی، قوربان‌لارین اومیدی کیمی اؤلکه‌میزی اینکیشاف ائتدیرمه‌یه داوام ائدجییک.
