جمهور باشقانی اردوغان یئنی نسیل فیرتینا هویتزرلرینین تقدیمات مراسیمینده ایشتیراک ائدیب

جمهور باشقانی رجب طیب اردوغان 2023-جو ایلده ساوونما صنایع سینده میللته یئنی مژده‌لر وئرمه‌یه داوام ائده‌جک‌لرینی بیلدیریب.

جمهور باشقانی اردوغان بو باره‌ده ساکاریادا یئنی نسیل فیرتینا هویتزرلرینین تقدیمات مراسیمینده دئییب.

تورکیه سلاحلی قوه‌لرینه بو گون 6 یئنی نسیل فیرتینا هویتزرلرینین تحویل وئریلدیگینی وورغولایان جمهور باشقانی اردوغان قارشی‌داکی دؤورده بو سایی 140-ا چات‌دیرا‌جاق‌لارینی بیلدیریب.

جمهور باشقانی اردوغان یئنی نسیل فیرتینا هویتزرلرینین حاضیردا اوردودا اولان مدل‌لرله موقاییسه‌ده بیر چوخ اوستونلوک‌لره مالیک اولدوغونو وورغولاییب.

فیرتینا هویتزرلرینین گوجونه گوج قاتان یئنی سیستم‌لری ایله خاریجه آسیلیلیغی آزالتدیق‌لارینی ایفاده ائدن جمهور باشقانی اردوغان "آلتای" تانکی باشدا اولماقلا، دیگر ایستراتژی لاییحه‌لرده ده بورادا قازانیلان سرعتی داوام ائتدیردیک‌لرینی بیلدیریب.

اردوغان تورکیه-نین سلاحلی پیلوت‌سوز اوچوش آپارات‌لارینین (SİHA) گئنیش بیر ساحه‌ده الده ائتدیگی اوغورلارلا دؤیوش اصول‌لارینی دییشدیگینی وورغولاییب.

دونیانین ایلک سیها گمیسی اولا‌جاق "آنادولو" گمی‌سینی بو ایل ایستیفاده‌یه وئره‌جک‌لرینی ایفاده ائدن دؤولت باشچی‌سی اونو دا دئییب کی، "آنادولو" گمی‌سینه یئرلشدیرجگیمیز " TB3 SİHA" ایلک اوچوشونو حیاتا کئچیره‌جک. "گؤک بی" عمومی مقصد هلیکوپتریمیزی ژاندارما طرفیندن ایستیفاده ائدیلمه‌یه باش‌لانا‌جاق. یئنی نسیل فیرتینا هویتزرلرینین تحویل وئریلمه مراسیمی ایله باشلادیغیمیز 2023-جو ایلی ساوونما ساحه‌سینده میللتیمیزه وئرجگیمیز یئنی مژده‌لرله داوام ائتدیرجییک.

دؤولت باشچی‌سی اونو دا علاوه ائدیب کی، تورکیه اوره تیمی اولان پیلوت‌سوز اوچوش آپارات‌لاری‌نین (پوا) قاراباغ ظفری‌نین الده اولونماسینداکی رولو ایله دونیادا محاربه تکنیک‌لرینی دییشیر.