امریکا تورکیه ایله میصر آراسینداکی موناسیبت‌لرین یاخشیلاشدیریلماسینی تشویق ائدیر
امریکا تورکیه ایله میصر آراسینداکی موناسیبت‌لرین یاخشیلاشدیریلماسینی تشویق ائتدیگینی بیلدیریب.
امریکا تورکیه ایله میصر آراسینداکی موناسیبت‌لرین یاخشیلاشدیریلماسینی تشویق ائتدیگینی بیلدیریب.
امریکانین خاریجی ایشلر ناظیرلیگی‌نین سؤزچوسو ند پرایس میصرین خاریجی ایشلر ناظیری سامح شکری‌نین دونن (27 فوریه) تورکیه-یه سفری ایله باغلی دئییب کی، هر ایکی اؤلکه امریکانین مهم طرفداش‌لاری‌دیر و موناسیبت‌لرین یاخشیلاشدیریلماسینی تشویق ائدیر.
گونده‌لیک مطبوعات کنفرانسیندا سوال‌لاری جاوابلاندیران پرایس شکری‌نین تورکیه سفریندن دانیشا‌راق دئییب:
"البته، هم تورکیه، هم ده میصر بیزیم مهم طرفداش‌لاریمیزدیر. بیز همیشه اساس طرفداش‌لاریمیزین علاقه‌لری‌نین یاخشیلاشدیریلماسینی تشویق ائدیریک".
قئید ائدک کی، 10 ایللیک فاصیله‌دن سونرا تورکیه-یه گلن میصرین خاریجی ایشلر ناظیری سامح شکرینی آدانا هاوا لیمانیندا خاریجی ایشلر ناظیری مولود چاووش اوغلو قارشیلاییب.
ایکی ناظیر میصردن 6 فوریه زلز‌له‌سینده ضرر گؤرن‌لره یاردیم ماتئریال‌لاری داشییان “El Hürriye” گمی‌سی‌نین یاناشدیغی مرسین اولوسلار آراسی لیمانیندا آچیقلاما وئریب.
میصرله علاقه‌لرده یئنی صحیفه‌لرین آچیلدیغینی قئید ائدن چاووش اوغلو جمهورباشقانی رجب طیب اردوغان و میصر پرزیدنتی عبدالفتاح السیسی‌نین نوامبر آییندا دوحه-ده کئچیردیگی گؤروشونون سون درجه محصولدار کئچدیگینی قئید ائده‌رک، شکری ایله بو علاقه‌لرین یاخشیلاشدیریلماسی اوچون آتیلا‌جاق آددیم‌لاری موذاکیره ائتدیک‌لرینی بیلدیریب.
ناظیر شکری ده میصر ایله تورکیه آراسینداکی علاقه‌لرین برپاسینا و بو علاقه‌لرین هر ایکی اؤلکه‌نین اورتاق ماراق‌لارینا اویغون اولا‌راق داها دا ایره‌لی آپاریلماسینا اوستونلوک وئردیک‌لرینی قئید ائده‌رک، "میصر هر زامان تورکیه-ده‌کی قارداش‌لاری‌نین یانیندا اولا‌جاق. اینانیرام کی، علاقه‌لریمیز بون‌دان سونرا دا ان یاخشی سویه‌یه چاتا‌جاق" دئییب.
ایلگیلی‌لی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماس‌لارینی داوام ائتدیریر.
