علی یئرلیکایا: "تورکیه غزه-یه اینسانی یاردیم‌لارینی داوام ائتدیره‌جک"
ایچ ایشلر ناظیری علی یئرلیکایا فیلیسطین خالقینا کؤمک ائتمه‌یه داوام ائده‌جک‌لرینی بیلدیریب.
ایچ ایشلر ناظیری علی یئرلیکایا اورک آغری‌دان، تاریخه سوی قیریم و بؤیوک وحشی‌لیک کیمی دوشن غزه ایشغا‌لی‌نین قارشی‌سی‌نین آلینماسی اوچون جهد گؤسترمه‌یه و فیلیسطین خالقینا کؤمک ائتمه‌یه داوام ائده‌جک‌لرینی بیلدیریب.
ناظیر یئرلیکایا سوسیال مئدیا حسابیندان ائتدیگی پای‌لاشیمدا فوق العاده حال‌لارین ایداره اولونماسی آژانسی‌نین (آفاد) کووردیناسیونوندا 13 اوکتبر-22 نوامبر تاریخ‌لری آراسیندا بیری پرئزیدئنت‌لییه، 11-ی میللی ساوونما ناظیرلیگینه عایید 12 اوچاق و 2 گمی ایله فیلیسطینه اینسانی یاردیم گؤندریلدیگینی قئید ائدیب.
ناظیر یئرلیکایا، 63 پرسنل ایله چات‌دیریلان یاردیم‌لار آراسیندا، 8 صحرا خسته‌خاناسی، 26 آمبولانس، 215 طبی لوازیمات، 2 UMKE ماشینی، بیر یوک قالدیریجی، 510 مین ارزاق باغلاماسی، 234 تون ایچمه‌لی سو، 18 مین 860 پتو، 7 مین 400 یوخو کیسه‌سی، 250 چادیر، 50 مین پالتار، 300 تختخواب، 896 ژانراتور و 70 مین 660 تمیزلیک دستی اولدوغونو بیلدیریب.
بون‌دان علاوه، مرسین لیمانیندا بسته کار آدلی ایکینجی گمی‌نین یوکلمه سوره جی‌نین تاماملاندیغینی بیلدیرن علی یئرلیکایا گمی‌نین فیلیسطین خالقی ایله اولوسلار آراسی دایانیشما گونونده تورکیه واختی ایله ساعات 12.30-دا میصره یولا دوشدوگونو، بو گون العریش لیمانیندا اولماسی‌نین پلانلاشدیریلدیغینی دئییب.
ناظیر یئرلیکایا "بیز ویجدان‌لاری قانا‌دان، تاریخه سوی قیریم و بؤیوک بیر وحشی‌لیک کیمی دوشن غزه ایشغالینا "دور" دئمه‌یه، فیلیسطین خالقینا کؤمک ائتمه‌یه داوام ائدجییک. الیمیز هر زامان غزه-نین، گوناه‌سیز اینسان‌لارین اوزرینده اولا‌جاق" دئییب.
ناظیر یئرلیکایا غزه-ده‌کی وحشی‌لیگه قارشی فیلیسطین‌لی‌لرین یانیندا اولماغا و اینسانی یاردیم چاتدیرماغا داوام ائده‌جک‌لرینی وورغولاییب.
