اردوغان، عراقداکی محلی ادارهنی اویاردی
‘بورادا یئنی یئنی، فرقلی بعضی اولوشوملار گؤروروک، بونلارا فورصت وئرمهیین، یوخسا تک قالارسینیز’
جمهورباشقانی رجب طیب اردوغان، عراقداکی محلی اداره پارتیسی اولان کیب پارتیسینین، ترورا قول قاناد آچماغا داوام ائتدیگینی سؤیلهدی.
جمهورباشقانی اردوغان، رسمی زیارتسفرده اولدوغو بیرلشمیش عرب امرلیکلری و مصردن قاییدارکن اوچاقدا، گۆندمه باغلی دانیشدی، ژورنالیستلرین سواللارینی جاوابلاندیردی.
عراقداکی کیب پارتیسینین، بؤلوجو ترور هؤرگوتو پکاکایا دستیگینین سۆردوگونه توخونان اردوغان،
"سلیمانیهنین بو منفی یاناشماسی ایله باغلی دفعهلرله اویاریلار ائتدیک. ‘بورادا یئنی یئنی، فرقلی بعضی اولوشوملار گؤروروک، بونلارا فورصت وئرمهیین، یوخسا تک قالارسینیز’ دئدیک. چونکو سلیمانیه هر آن هر واخت الیمیزین اۆستونده اولدوغو، سویداشلاریمیزین اولدوغو بیر یئر" دئدی.
"اربیل رهبرلیگی ایله ترورلا موباریزه قونوسوندا تیاغالادیغینمیز سرعت مثبت بیر ایستیقامتده ایرلیلهییر. لاآنجاق سلیمانیه، یعنی کیب رهبرلیگی، دفعهلرله اویاریلاریمیزا باخمایاراق ترور هؤرگوتو پکاکا/یپگ/پیدیه قول قاناد آچماغا تأسف کی، داوام ائدیر" ایفادهسینی ایشلهدن اردوغان، کیب ایله گؤروشمهلرده بو قونونو دا گۆندمه گتیردیکلرینی و اویاریلاری ائتدیکلرینی ایفاده ائتدی.
ترورا دستک چیخان کیبیه تپکیسینی داوام ائتدیرهن اردوغان،
"کیمسه بیزدن فرقلی بیر دوروش گؤزلهمهسین، لازیم اولان تپکینی وئرریک. بو مسئلهدن گئچهبیلمریک. الیمیزدن گلن آددیملاری آتیریق، آتاجاغیق. بیر چوخ قونویا دؤزوموموز اولابیلر آنجاق مؤوضوع بقامیز و میللی گۆونلیگیمیز ایسه دؤزوم قاپیلارینی سونونا قدر باغلار، لزومو نیه ایسه ائدریک. مقصد بیزه دوشمنلیک بسلهمک ایسه اونا دا وئرهجک تپکیمیز، آلاجاغیمیز تدبیرلر واردیر، داها ساغلام آددیملار آتماقدان دا چکینمهریک" اویاریسینی ائتدی.
ایلگیلیلی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماسلارینی داوام ائتدیریر.