هاکان فیدان بروکسل-ده گؤروش‌لر کئچیریب
بروکسل-ده سفرده اولان هاکان فیدان همکارلاری ایله ایکی طرف‌لی گؤروش‌لر کئچیریب.
خاریجی ایشلر ناظیری هاکان فیدان بلژیک-ین پایتاختی بروکسل-ده کئچیریلن ناتو-یا عضو اؤلکه‌لرین خاریجی ایشلر ناظیرلری توپلانتی‌سی چرچیوه‌سینده ایکی طرف‌لی گؤروش‌لر کئچیریب.
هاکان فیدان یونانیستان، فینلاندیا، کونئی کره، و بولقاریستانین خاریجی ایشلر ناظیرلری ایله ایکی طرف‌لی گؤروش‌لر کئچیریب.
فیدانین یونانیستانین خاریجی ایشلر ناظیری یورگوس ایراپتریتیس ایله گؤروشونده ایکی طرف‌لی و بولگه‌سل مسئله‌لر موذاکیره ائدیلیب.
ایکی ناظر یونانیستانین باش ناظری کیریاکوس میتسوتاکیس‌ین می آییندا تورکیه-یه سفرینه حاضیرلیق باره‌ده ده دانیشیب‌لار.
هاکان فیدان فینلاندیا‌لی همکاری الینا والتونن ایله ترورلا موباریزه و تهلوکه‌سیزلیک ساحه‌سینده امکداش‌لیق، خصوصیله تورکیه-فینلاندیا-سوئد آراسیندا ایمضالانمیش اوچ طرف‌لی آنلاشما سندینین حیاتا کئچیریلمه‌سی کیمی مؤوضوع لار اطرافیندا فیکیر موبادیله‌سی آپاریب‌لار.
گؤروشده غزه-ده‌کی سون وضعیت قیمتلندیریلیب و بولگه‌سل گرگین‌لیک ریسکی وورغولانیب.
هر ایکی ناظیر تورکیه-فینلاندیا دیپلوماتیک علاقه‌لری‌نین قورولماسی‌نین 100-جو ایلدؤنومونده بوتون ساحه‌لرده ایکی طرف‌لی امکداشلیغین درینلشدیریلمه‌سی‌نین واجیب‌لیگینی قئید ائدیب‌لر.
هاکان فیدانین کونئی کره-نین خاریجی ایشلر ناظیری چو تائه یول ایله گؤروشونده آسیا-ساکیت اقیانوس بولگه سینده باش وئرن‌لر و کره یاریماداسینداکی وضعیت موذاکیره ائدیلیب.
فیدان و چو تائه یول جولای آییندا ایمضالانمیش دینامیک تورکیه-کره موناسیبت‌لری اوچون یول خریطه‌سی اساسیندا، خصوصیله ساوونما صنایعسی، اقتصادیات و انرژی ساحه‌لرینی احاته ائدن ایکی طرف‌لی امکداش‌لیق مسئله‌لرینی موذاکیره ائدیب‌لر.
ناظیر هاکان فیدان بولقاریستان باش ناظیرینین معاوینی و خاریجی ایشلر ناظیری ماریا گابریل ایله ده گؤروشوب.
ایلگیلی‌لی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقه‌سی ساخلاییب.
