هاکان فیدان:"ایسراییله قارشی بیر سیرا یئنی تدبیرلر گؤرمه‌یه قرار وئردیک"
خاریجی ایشلر ناظیری هاکان فیدان ایسراییلین غزه-یه داوام ائدن هوجوم‌لاری و غزه-یه اینسانی یاردیم‌لارلا باغلی خاریجی ایشلر ناظیرلیگینده مطبوعاتا آچیقلاما وئریب.
خاریجی ایشلر ناظیری هاکان فیدان دئییب: "ایسراییله قارشی بیر سیرا یئنی تدبیرلر گؤرمه‌یه قرار وئردیک. جناب پرزیدنتیمیزین تصدیقلدیگی بو تدبیرلر گئجیکمه‌دن آددیم-آددیم حیاتا کئچیریله‌جک. قبول ائدیلن قرارلار مووافیق قوروم‌لاریمیز طرفیندن توپلوم ایله پایلاشیلاجاق.
خاریجی ایشلر ناظیری هاکان فیدان ایسراییلین غزه-یه داوام ائدن هوجوم‌لاری و غزه-یه اینسانی یاردیم‌لارلا باغلی خاریجی ایشلر ناظیرلیگینده مطبوعاتا آچیقلاما وئریب.
مقدس رمضان آیی‌نین سون گون‌لری اولدوغونو و غزه-ده‌کی درامین 6 آیدیر داوام ائتدیگینی بیلدیرن هاکان فیدان ایسراییل حاقیندا داوام ائدن سوی قیریم ادعاسی‌نین و بونونلا باغلی اولوسلار آراسی عدالت محکمه‌سی‌نین وئردیگی قراری خاطیرلادیب.
هاکان فیدان ایندییه قدر سس‌سیز قالان بیرلشمیش میللت‌لر تشکیلاتی‌نین تهلوکه‌سیزلیک شوراسی‌نین (بمت تهلوکه‌سیزلیک شوراسی‌نین) بئله ایسراییلین آتشکس اعلان ائتمه‌سینه قرار وئردیگینه دقت چکه‌رک، بونا باخمایا‌راق، رمضان آیی بویونجا ایسراییلین هوجوم‌لاری‌نین داوام ائتدیگینی بیلدیریب.
هاکان فیدان سؤزلرینه بئله داوام ائدیب: "بیز ایلک گوندن غزه-ده باش وئرن‌لره رئاکسیا وئردیک. پرزیدنتیمیزین رهبرلیگی ایله ان دوغرو و جسارت‌لی موضعی نوماییش ائتدیره‌رک فیلیسطین‌لی قارداش‌لاریمیزین یانیندا اولدوق. اولوسلار آراسی توپلومون و ایسلام اؤلکه‌لری‌نین بو حادثه‌نین قارشی‌سینی آلماسی اوچون سعی گؤستردیک و بو مؤوضوع دا اوغور قازاندیق. بو گون بوتون دونیا ایسراییل حاکمیتی‌نین عدالت قارشی‌سیندا جاواب وئرجگی گونو صبیرسیزلیکله گؤزلییر. تاریخده ایلک دفعه هر کس ایسراییلی قیناییر و تؤرتدیگی جینایت‌لری پیسلییر. غزه-ده‌کی قارداش‌لاریمیزا اینسانی یاردیمین چاتدیریلماسی اوچون ده سیخ سعی‌لر گؤستریریک. دنیز و هاوا یولو ایله غزه-یه چاتدیریلماسی اوچون میصره گؤندردیگیمیز یاردیمین میقداری 42 مین تونو کئچیب. بو گون غزه-یه ان چوخ یاردیم گؤندرن ایلک ایکی اؤلکه‌دن بیری تورکیه دیر. 9-جو یاردیم گمیمیز یولدا‌دیر."
ایلگیلی‌لی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقه‌سی ساخلاییب.
