میندن چوخ دوزنسیز کؤچمن یاخالاندی
رمضان بایرامی تعطیلینین ایلک بئش گونونده تشکیل ائدیلهن عملیاتلاردا ۱۱۷۷ دوزنسیز کؤچمن یاخالاندی
ایچ ایشلری باخانی علی یئرلیکایا، "قالخان-۱۹" عملیاتلاریندا ۱۱۷۷ دوزنسیز کؤچمنین یاخالاندیغینی بیلدیردی.
باخان یئرلیکایا، سوسیال مئدیا حسابیندان یاییملادیغی آچیقلامادا، کؤچمن قاچاقچیلیغی تشکیلاتچیلاری و دوزنسیز کؤچمنلره قارشی، موبیل کؤچ نقطهسی آراجلارییلا "قالخان-۱۹" عملیاتلارینین تشکیل ائدیلدیگینی قید ائتدی.
رمضان بایرامی تعطیلینین ایلک بئش گونونده (۶-۷-۸-۹-۱۰ آوریل ۲۰۲۴) تشکیل ائدیلهن عملیاتلاردا ۱۱۷۷ دوزنسیز کؤچمنین توتولدوغونو بیلدیرهن یئرلیکایا، سؤزو گئدن کؤچمنلرین، ائل کؤچ ایدارهسی مودورلوکلرینه تحویل وئریلدیگینی و سرحد دیشی عملیاتلارینین باشلادیلدیغینی ایفاده ائتدی.
عملیاتلارا آرالیقسیز داوام ائدیلهجگینی بیلدیرهن یئرلیکایا، تورکیهنی دوزنسیز کؤچون هدفی و ترانزیت گئچیش یولو حالینا گتیرمهیه چالیشان کؤچمن قاچاقچیلارینا اصلا فورصت وئرمهیهجکلرینی وورغولادی.
ایلگیلیلی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقهسی ساخلاییب.