اردوغان: تورکیه، غزه سیناوینی ان باشاریلی وئره‌ن اؤلکه‌لردن بیریدیر
"فیلیسطین خالقینین ان چتین گونلرینده ایمدادینا گئدن عزیز میللتیمیز قارداشلیق وظیفه‌سینی ایفا ائتمه یانیندا اینسانلیغین دا ویجدانی اولموشدور"
جمهورباشقانی رجب طیب اردوغان،
"تورکیه، غزه امتحانینی ان باشاریلی وئره‌ن اؤلکه‌لردن بیریدیر" دئدی.
اردوغان، بئش‌تپه میللت کنگره و مدنیت مرکزینده وقف هفته‌سی توپلو آچیلیش و وقف اینسان اؤدول مراسیمینده دانیشدی.
جمهورباشقانی اردوغان،
"فیلیسطین خالقینین ان چتین گونلرینده ایمدادینا گئدن عزیز میللتیمیز قارداشلیق وظیفه‌سینی ایفا ائتمه یانیندا اینسانلیغین دا ویجدانی اولموشدور. تورکیه، غزه سیناوینی ان باشاریلی وئره‌ن اؤلکه‌لردن بیریدیر" دئدی.
"مارس آیینین سونوندا توپلام ۳ مین تونلوق ۱۲۵ مین غذا باغلیسی داشییان ۸.جی یاخشیلیق گمیمیزی غزه‌یه یولا سالدیق" دئیه‌ن اردوغان،
"بو گونه قدر توپلام ۵۰ مین تونا یاخینلاشان اینسانی کؤمک میقدارییلا تورکیه دونیادا غزه‌یه ان چوخ کؤمک گؤندره‌ن اؤلکه مؤقعیتینه گلدی. اولدوقجا جانیله‌شن ایسرائیل رهبرلیگینی آتیش‌کسه مجبور ائتمک مقصدی ایله دیپلوماسی و تیجارت اؤلچوسونده باسقینین دوزونو داواملی یوکسلدیریک. ایلک مرحله‌ده ۵۴ محصول قروپونا صادرات قیسیدلاماسی گتیرمیشدیک. گئچه‌ن هفته‌دن اعتباراً ایسرائیل ایله صادرات و واردات ایشلرینی بوتون محصوللاری احتیوا ائد‌جک شکیلده دوردوردوق" ایفاده‌لرینی ایشلتدی.
تورکیه‌نین ایسرائیله قارشی اولوسلارآراسی عدالت دیوانیندا آچیلان سوی‌قیریم دعویسینه ده قاتیلماغی قرارلاشدیردیغینی سؤیله‌یه‌ن جمهورباشقانی،
"۱۵ مینی اوشاق، ۳۵ مین قارداشیمیزین حیاتینا قصد ائدنلرین حقوق قارشیسیندا حساب وئرمه‌سی اوچون بوتون ایمکانلاریمیزدان ایستیفاده ائدجییک. بو قرارلاریمیزین بؤلگه‌ده آخان قانین دورماسینی ایسته‌یه‌ن دیگر اؤلکه‌لره ده جسارت وئره‌جگینه اینانیرام" دئیه دانیشدی.
