نومان کورتولموش کوبا-دا سفردهدیر
تورکیه بؤیوک میللت مجلیسینین صدری نومان کورتولموش کوبانین پایتاختی هاوانا-دا باشقان یاردیمجیسی سالوادور والدس مسا و باش ناظیر مانوئل ماررو کروز ایله گؤروشوب.
تورکیه بؤیوک میللت مجلیسینین صدری نومان کورتولموش کوبانین پایتاختی هاوانا-دا باشقان یاردیمجیسی سالوادور والدس مسا و باش ناظیر مانوئل ماررو کروز ایله گؤروشوب.
نومان کورتولموش دئوریم ساراییندا باشقان یاردیمجیسی والدس مسا ایله گؤروشهرک ایکی طرفلی علاقهلر، قلوبال و بولگهسل مسئلهلر اطرافیندا فیکیر موبادیلهسی آپاریب.
تورکیه اولاراق اینسانی خاریجی سیاست آنلاییشلارینا اویغون اولاراق بوتون جوغرافیالارلا علاقهلری اینکیشاف ائتدیرمهیه اؤنم وئردیکلرینی ایفاده ائدن کورتولموش، کوبا ایله علاقهلری هر ساحهده اینکیشاف ائتدیرمک ایستهدیکلرینی سؤیلهدی.
ایسراییلین غزه-یه هوجوملارینین دا موذاکیره ائدیلدیگی گؤروشده کوبا خالقینین فیلیسطین ایله دایانیشماسینی ایفاده ائتمهسینی تقدیر ائتدیکلرینی ایفاده ائدن کورتولموش، اولوسلار آراسی سیستمده اؤلکهلرین اگمن برابرلیگینی ساوونان یئنی، عدالتلی بیر دونیا سیستمینین قورولماسی اوچون بیرگه حرکتین اهمیتینه دقت چکیب.
نومان کورتولموش داها سونرا باش ناظیر ماررو کروز ایله گؤروشوب.
تورکیه بؤیوک میللت مجلیسینین صدری گؤروشده بیلدیریب کی، تورک شیرکتلرینین کوبایا ماراق گؤسترمهسی و کوبادا فعالیتلرینی گئنیشلندیرمهسی سئویندیریجی حالدیر.
کوبا خالقینین حیاتینا توخونان ایشبیرلیکلرینه اهمیت وئردیکلرینی ایفاده ائدن کورتولموش، بو اؤلکهده بعضی اقتصادی اینکیشاف لاییحهلرینی دستکلمهیه داوام ائدهجکلرینی بیلدیریب.