اردوغان یئنی آنایاسانین اؤلکه‌نین پروبلئملرینین حلینی سورعتلندیرجَیینی بیلدیریب
اردوغان: یئنی آنایاسا وطنداش سیاستینین احاطه دایره‌سینی گئنیشلندیره‌جک و اؤلکه‌لریمیزین ایقتیصادیاتدان توتموش سوسیال حیاتا قدر پروبلئملرینین حلینی سورعتلندیرجک
2138095
پرزیدنت رجب طیب اردوغان یئنی آنایاسانین اؤلکه‌نین پروبلئملرینین حلینی داها دا سورعتلندیرجَیینی بیلدیریب.
اردوغان پایتخات آنکارادا دانیشتایین یارانماسینین ایل‌دؤنومو مراسیمینده چیخیش ائدیب.
چیخیشیندا یئنی آنایاسایا احتیاج اولدوغونو وورغولایان اردوغان، "یئنی آنایاسا وطنداش سیاستینین احاطه دایره‌سینی گئنیشلندیره‌جک و اؤلکه‌لریمیزین ایقتیصادیاتدان توتموش سوسیال حیاتا قدر پروبلئملرینین حلینی سورعتلندیرجک." دئدی.
اردوغان موختلیف سیاسی حزبلر آراسیندا مصلحتلشمه‌لرین و دانیشیقلارین سیخلاشماسینین بو باخیمدان مهم فرصت اولدوغونو بیلدیریب، "اومید ائدیریک کی، تورکیه سیاستی بو فرصتی اؤلکه‌میز، میللتیمیز و دموکراسیمیز اوچون دایمی بیر قازانجا چئویره‌جک. بیز میلتیمیزین گؤزلنتیلری چرچیوه‌سینده یاپیجی رولوموزو اویناماغا داوام ائده‌جَییک." دئدی.
