Azerbaýjan Türkiýä minnetdarlyk bildirdi

Azerbaýjanyň Daşary işler ministri Jeýhun Baýramow, Nigeriýanyň suw giňişliginde hüjüme sezewar bolan Mosart atly gämide ýogalan Azerbaýjanly deňizçiniň jynazasynyň Baku şäherine getirilmegi tapgyrynda beren kömegi sebäpli Daşary işler ministri Mewlüt Çawuşoglyna minnetdarlyk bildirdi. 

Türkiýäniň Daşary işler ministri Mewlüt Çawuşogly, Azerbaýjanyň Daşary işler ministri Jeýhun Baýramow bilen telefon arkaly söhbetdeşlik geçirdi. 

Jeýhun Baýramow, Nigeriýanyň suw giňişliginde hüjüme sezewar galan Mosart atly gämide ýogalan Azerbaýjanly deňizçiniň jynazasynyň Baku şäherine geçirilmegi ugrunda beren kömegi sebäpli Mewlüt Çawuşoglyna minnetdarlyk bildirdi. 

Telefon söhbetdeşliginde mundan başgada sebitdäki hadysalar ara alynyp maslahatlaşyldy. 

Liberiýanyň baýdagyny göterýän Mosart atly gämi 23-nji ýanwarda Nigeriýanyň Lagos şäheriniň takmynan 180 km uzaklygynda suw giňişliginde deňiz garakçylarynyň hüjümine sezewar galypdy. 

Logos şäherinden Günorta Afrika döwletiniň Keýptaun şäherine barýan gämidäki 19 adamlyk ekipaždan 15-si zamun alynypdy, Azerbaýjanyň raýaty bolan 1 adam bolsa öldürilipdi. 

Türk howaýollary kärhanasyna degişli Stambul-Baku saparyny amala aşyrýan TK0332 belgeli uçar bilen Baku şäherine alynyp gidilen Azerbaýjanly raýatyň jynazasy, Haýdar Aliýew howa menzilinde Azerbaýjanyň Daşary işler ministrliginiň,  Azerbaýjanyň Baş Prokuraturasynyň  resmileri bilen ýogalan Ismailowyň maşgalasy tarapyndan kabul edildi.