Çanakkale Yşykeli Nohut Kofesi

Türkiyäniň taryhy Çanakkale şäheriniň Biga etrabynyň Yşykeli obasy geçmişi uzak ýyllara daýanýan we düzüminde kofein bolmazlygy bilen meşhurlyk gazanan kofeleriň görnüşleriniň birine ýer eýeçiligini edýär. 2023-nji ýylda ýüz tutulmagy netijesinde Türkiyäniň Geografiki taýdan hasaba alynan önümleriň arasynda goşulan Nohut kofesi, sebitde ýetişýän nohutlaryň 250 gradus gyzgyn derejede gowrulyp, örän inçe görnüşde öwemek arkaly öndürilýär. Kofeniň esasy maddasy bolan nohutlar, sary nohut diýip atlandyrylýan kiçi göwrümli nohutlardyr. Bişirilmezden ozal poroşok görnüşde bolan Nohut kofesiniň düzüminde belok we ýag bar, emma kofein ýok. Şol sebäpli kofein sebäpli döreýän endik ýaly saglyk problemalaryna sebäp bolmaýar. Çanakkale Yşykeli Nohut Kofesi soda we suw goşulyp, pes otda 10 minudyň dowamynda bişirilip taýarlanýar. Däp bolşy ýaly, şekersiz görnüşde bişirilýän kofeniň ýany bilen kişmiş hödür kerem edilýär. Häzirki wagtda bolsa köplenç türk lokumy ýa-da şokolad bilen hödür kerem edilýär.