Çorum Iskilip tokmakly arabasy

Türkiyäniň Iç Anadoly sebitinde ýerleşýän we Hitit imperiýasynyň paýtagty Hattusanyň serhetleriniň çäginde bolan Çorum şäheriniň Iskilip etraby gyzykly we özboluşly oýunjaklaryň önümçiligine ýer eýeçiligini edýär. Iskilip etrabynyň häkimliginiň 2023-nji ýylda ýüz tutmagy netijesinde Türkiyäniň geografiki taýdan hasaba alynan önümleriň arasyna goşulan Çorum Iskilip tokmakly arabasy örän ýönekeý iş mehanizmine eýedir. Çorum Iskilip tokmakly arabasynyň taryhy ýüz ýyla golaý dowam edýär. Bu oýunjagyň ilki Hasan Çawuş atly bir adam tarapyndan ýasalandygy we oýunjagyň gelip çykyşynyň daş dibekde bulgur öwän zenanlaryň tokmaklaryny nobat bilen urmaklaryndan gözbaş alandygy beýan edilýär. Çorum Iskilip tokmakly arabasy ozallar el gurallary bilen , häzirki wagtda bolsa elektrik tokda işleýän enjamlarda ýasalýar, özi bolsa derek we sosna agaçlaryndan öndürilýär. Dört tekeri we dört tokmagy bolan oýunjagyň, esasy bölegi Aýak diýip atlandyrylýan düz bölekdir. Çorum Iskilip tokmakly arabasynyň aýratynlygy bolsa tekerleriniň hereket etmegi bilen tokmaklaryň hem nobat bilen oýunjagyň Aýak diýip atlandyrylýan esasy bölegine urup, ses çykarmagydyr. Oýunjakda ulanylýan boýaglar hem gaty üýtgeşik. Esasan hem gyzyl, sary, gök, gara we ýaşyl ulanylýan boýaglar, mata boýagynyň sosna agajynyň şiresi bilen gyzgyn suw bilen garyşdyrylyp taýarlanýar. Şiräniň täsiri astynda gatylaşýan we galyp bolýan boýag, torna hereket edýän böleklere boýalyp, boýag edilýär. Boýag işleri tamamlananyndan soň Çorum Iskilip tokmakly arabasy reňkleriň has aýdyň görünmegi üçin derek agajynyň gabygynyň iç tarapy bilen ýalpyldadylýar.