Azerbaýjanda ägirt uly harby türgenleşik geçirilýär

Azerbaýjanyň Baş ştaby tarapyndan geçirilýän giň-gerimli harby türgenleşik 23-nji iýuna çenli dowam eder.

Goranmak ministri General-leýtenant Zakir Hasanowyň ýolbaşçylygynda geçirilýän tügenleşige 25 müň esger, 300-den gowrak taňk we sowutly ulag, 100 raketa we top ulgamy, 40 harby uçar we 30 sany howa goranyş ulgamy bilen birlikde Harby flot we Ýörite harby toparlar gatnaşýar.

Harby türgenleşikler Nahçywan Awtonom Respublikasynda, front liniýalarynyň golaýynda we Hazar deňizinde geçirilýär.

Türgenleşikleriň çäginde esgerleriň taýarlyklaryň güýçlendirilmegi, logistiki we beýleki taýarlyklar gözden geçiriler.