Soma etrabyndaky magdan pajygasy sebäpli 8 adam tussag edildi
Manisa etrabynyň Soma etrabynda 301 işçiniň ýogalmagyna sebäp bolan pajygadan soň başladylan derňew işiniň çägi giňeldildi
Kazyýete ugradylanlardan firmanyň dolandyryjylar geňeşiniň başlygy Jan Gürkan, firmanyň baş müdiri Ramazan Dogru we howpsyzlyk boýunça tehniki işgär Mehmet Ali Günaýçelik tussag edildi.
Şeýlelikde tussag edilenleriň sany 8 adama ýetdi.
Derňew işinde saklanan jemi 39 adamdan 9 sanysy kazyýet gözegçiligi şerti bilen jemi 28 adam boşadyldy.
Derňew işiniň çäginden mundan ozal kärhananyň müdiri Akyn Çelik, magdan inženerleri Ertan Ersoý we Ýalçyn Erdogan bilen magdanyň howpsyzlyk boýunça şol smenadaky jogapkärleri Hilmi Kazyk we Ýasin Kurnaz “kemçilige ýol bermek arkaly birnäçe adamyň ýogalmagyna we ýaralanmagyna sebäp bolmak” günäsi bilen tussag edilipdi.
Beýleki tarapdan şübhelidigi anyklanan 3 adamyň bolsa pajyganyň dowamynda ýogalandyklary kesgitlendi.
Pajyga sebäpli zähmet we sosial üpjünçilik ministrligi tarapyndan başladylan derňew işinde ilki bilen derňewçilerin gözegçilik habarnamalary seljerilýär.
Derňewçiler magdanda kömekçi potraçylaryň we çaga işçileriň işledilýändigi barasyndaky habarlary derňeýär.
Energetika we tebigy serişdeler ministrligi tarapyndan alynyp barylýan edara derňewi hem dowam edýär.
