Türkmenistanyň Prezidenti TÜRKSOÝ-nyň Baş sekretaryny gutlady
Berdimuhamedow gutlagynda iň gowy arzuwlaryny iberdi.
Türkmenistanyň Hormatly Prezidenti Serdar Berdimuhamedow Türki medeniýetiň halkara guramasynyň (TÜRKSOÝ) Baş sekretary Sultan Raýewe bu guramanyň esaslandyrylmagynyň 30 ýyllygy mynasybetli tüýs ýürekden gutlaglaryny we iň gowy arzuwlaryny iberdi.
“Geçen döwrüň içinde Türkmenistan bilen TÜRKSOÝ-nyň arasynda netijeli hyzmatdaşlyk ýola goýuldy. Biziň hyzmatdaşlygymyz umumy taryhy, ruhy we medeni gymmatlyklary bolan türki halklaryň arasyndaky dostlukly gatnaşyklary, oňyn hyzmatdaşlygy has-da berkitmegiň maksatlaryna laýyk gelýär. Türkmenistan geljekde-de TÜRKSOÝ bilen işjeň hyzmatdaşlygy dowam etdirer” diýlip, döwlet Baştutanynyň hatynda bellenilýär.
Hormatly Prezident Serdar Berdimuhamedow şu ýakymly mümkinçilikden peýdalanyp, jenap Sultan Raýewe we Türki medeniýetiň halkara guramasynyň Sekretariatynyň işgärlerine berk jan saglyk, bagtyýarlyk, alyp barýan işlerinde üstünlik arzuw etdi.(TDH)
