Bitaraplygyň Dostlary Toparynyň Ilkinji Maslahaty Geçirildi
Bitaraplygyň dostlary toparyna agza ýurtlaryň parlamentleriniň ýolbaşçylarynyň ilkinji maslahaty geçirildi.
Onlaýn formatda geçirilen maslahatda parlamentara kanun çykaryş işlerinde ýakyn hyzmatdaşlygyň ähmiýetine üns çekildi, parahatçylygyň we howpsuzlygyň üpjün edilmeginde bitaraplyk hem-de dialog kadalarynyň möhümdigi nygtaldy.
Bitaraplygyň dostlary toparyna girýän ýurtlaryň parlamentleriniň ýolbaşçysy “Parahatçylygyň we dialogyň güýçlendirilmeginde parlamentar hyzmatdaşlygyň orny” temaly ilkinjimaslahatyny geçirdi.
Türkmenistanyň Mejlisiniň Başlygy Dünýägözel Gulmanowanyň ýolbaşçylyk etmeginde onlaýn formatda geçirilen maslahata BMG-niň resmileri bilen bilelikde Russiýanyň, Şiri Lankanyň, Gananyň we beýleki Orta Aziýa ýurtlarynyň wekilleri gatnaşdylar.
Parahatçylygy we dostlugy höweslendirýän bitaraplygyň halkara hyzmatdaşlygy ösdürmäge güýçli goşant goşjakdygyny beýan eden Türkmenistanyň Mejlisiniň Başlygy, parlamentara hyzmatdaşlygyň güýçlendirilmeginiň ýurtlaryň galkynyşyna hem goşant goşjakdygyny nygtady.
Maslahatda raýatlaryň gönüden wekilleri bolup durýan parlamentarileriň arasynda dörediljek dialog şertleriniň parlamentar diplomatiýanyň güýjüni görkezjekdigi barasynda durlup geçildi.
2020-nji ýylda Türkmenistanyň başlangy bilen 26 ýurduň gatnaşmagynda döredilen Bitaraplygyň dostlary topary, gumanitar meseleleriň çözülmegi we çaknyşyklaryň öňüniň alynmagynda bitaraplyk kadalary bilen bilelikde köptaraply dialogyň ösdürilmegi üçin platforma bolup durýar.
