Ýewropa Bileleşigi Russiýa garşy girizen ykdysady sanksiýalarynyň möhledini uzatdy
Ýewropa Bileleşigi Russiýa garşy girizen ykdysady sanksiýalarynyň möhledini ýene-de 6 aý uzatdy
ÝB Geňeşi ilki bilen Russiýanyň Ukrainanyň durnuksyzlaşdyrylmagy bilen bagly aksiýalary sebäpli 2014-nji ýylda başladan çäkli çäreleriniň möhlediniň 31-nji iýula çenli uzadylandygyny habar berdi.
Beýanatda ÝB sanksiýalarynyň Russiýanyň 2022-nji ýylyň fewral aýynda Ukraina garşy başladan hüjümlerinden soň gerimini giňeldendigi ýatladyldy.
ÝB Russiýa garşy häzirki wagta çenli 12 sanksiýa bukjasyny girizdi.
Russiýa garşy sanksiýalar söwda, maliýe, senagat, tehnologiýa, ulag we kaşaň harytlar ýaly köp ugurlary öz içine alýar.
ÝB-niň Russiýa garşy ykdysady sanksiýalarynyň möhledi her 6 aýda bir gezek uzadylýar.
Russiýa 2014-nji ýylyň 18-nji martynda Krym awtonom respublikasyny we Sewastopol şäherlerini bikanun ýagdaýda anneksiýa edipdi.
ÝB Russiýa garşy ykdysady sanksiýalaryny ilkinji gezek 2014-nji ýylda girizipdi.
