Türk losos balygynyň eksporty artdy

Gündogar Gara deňiz eksportçylar bileleşiginiň dolanşyk geňeşiniň başlygynyň orunbasary Ahmet Hamdi Gürdogan, Gündogar Gara deňiz sebitinden dünýäniň 10 ýurduna 2 müň 251 tonna türk losos (Gyzylbalyk) balygynyň eksport edilendigini habar berdi. 

Şol eksportdan 11 million 240 müň 719 dollar girdeji alynandygyny aýdan Gürdogan, eksportdan geçen ýyl 914 tonna üçin 7 million 77 müň 917 dollar girdeji alynandygyny, şu ýyl geçen ýyl bilen deňeşdirilende bolsa mukdar boýunça 146 göterimlik, gymmatlyk taýdan bolsa 59 göterim artyş bolandygyny mälim etdi. 

Ahmet Hamdi Gürdogan: "Sebitimizden şu ýylyň ilkinji aýynda 10 ýurda türk losos balygy eksport edildi. Şol ýurtlaryň arasynda Russiýa Federasiýasy, Wýetnam we Ýaponiýa ýaly ýurtlar sanawyň ilkinjileridir. Russiýa Federasiýasyna 6 million 859 müň 369 dollarlyk, Wýetnama 2 million 706 müň 33 dollarlyk we Ýaponiýa 1 million 266 müň 514 dollarlyk losos balyk eksport edildi" diýip habar berdi.