فضولی شهری آزات ادیلدی

آذربایجان ینگ جمهورباشلیغی الهام علی یف، فضولی شهری نینگ ارمنیلرینگ اشغالیندان آزات ادیلندیگینی بیلدیردی.

علی یف حالقینا بیانات بردی.

بیاناتیندا ارمنیستان ینگ ناماردچا ادن هۆجۆملری نینگ آذربایجان ینگ حالقی نینگ ایغتیارینا ضلل برمه جکدیگینی آیدان علی یف، "بیز هیچ هاچان یؤنه کی رایاتلارا هۆجۆم قوراماریس. ارمنیستانا ساواش میدانیندا جوُغاپ برریس. ادیأن حرکتلری انسانلیغا قارشی جنایاتدیر. اوُلارا جوُغابینی برریس" دیدی.

"غاریپ ارمنیستان مونونگ یالی کؤپ یاراغی نیره دن آلیار؟ کیم بولارا یاراغ بریأر؟ قاچاق یوُللاردان یاراغ ایبریلیأر" دیه ن آذربایجان ینگ جمهورباشلیغی

"فضولی شهری اشغالدان چیقاریلدی. آزات ادیلن یرلردن اذان ینگ سسی اشیدیلر" دیدی.

ارمنیستان ینگ قشونینی آذربایجان ینگ توُپراقلاریندان چیقماغا چاغیران علی یف،

"اوُندان سوُنگرا اوُت آچیلشیغا بس ادیلیپ بیلینر. توُپراقلاریمیزی آلجاقدیرس، مونی هممه حالق بیلسین" دیدی.

آذربایجان ینگ قشونی نینگ اۆستۆنلیگی دوُوام ادیأر.

آذربایجان ینگ قوُرانماق وزیرلیگی آغ دره، آغدام، فضولی، هادروت و جبراییل بؤلگه لرینده دارتغینلیغینگ دوُوام ادیأندیگینی بیلدیدی.

سوُنگقی گۆنده ارمنیستان ینگ 7 سانی ت-72 تانکی، ایکی گراد راکت سیستمی، 8 سانی د-30 و بیر سانی د-20 توپی یوُق ادیلدی، اوُق دأری آلیپ باریان 10 اولاغی دا اورولدی.

کؤپ سانلی ییتگی چکن ارمنیستان ینگ بیر موتوریزه توُپاریندان 300 عسگر قاچدی.