آمریکا: ایران روسیا راکت ساتماسین

آمریکا دؤولتی نینگ میللی حوُوپسوزلیق آراقاتناشیق گِنگِه‌شچیسی جان کربی ایران ینگ روسیا بالستیک راکت برمه گی نینگ حالقارا جمغیتچیلیک تاراپیندان برک یازغاریلجاقدیغینی آیتدی.

جان کربی گۆنلۆک مطبوغات کنفرانسیندا رویترز حابار سریشده سی نینگ حاباری بیلن باغلانشیقلی سؤز سؤزله‌دی.

آمریکان ماقام "ایران ینگ روسیا بیلن چونگلاشیان حاربی حیذماتداشلیغی نینگ" دینگه اوکراینا دأل ایران ینگ قوُنگشیلاری و حالقارا جمغیتچیلیگه ده ضلل برجکدیگینی اؤنگه سۆردی.

کربی مسئلأنی بیرلشن میللتلر قوراماسی نینگ حوُوپسوزلیق گنگه شینه ده چکیپ بیلجکدیکلرینی بیلدیردی.