گوترش: غزه ده انسانی تایدان اوُد آچیلشیغا بس ادیلمه‌گینی ایسله یأریس
گوترش: ایسرائیل حماس توُپارینا دأل، فلسطینلیلره هۆجۆم ادیأر
بیرلشن میللتلر قوراماسی نینگ باشلیغی آنتونیو گوترش غزه ده انسانی اوُد آچیلشیغا بس اولغامینی ایسله یأندیکلرینی و رمضان آیی نینگ بو اولغام اۆچین قوُوی پورصات بوُلاندیغینی آیتدی.
ایتالیانینگ نووه تلویزیونیندا بیانات برن گوترش غزه نینگ ایسرائیل ینگ هۆجۆمی نینگ آستیندا بوُلاندیغینی یاتلاتدی و
"غزه دأکی ساواشینگ حیلی، اینگ اولی ییتگینی یؤنه‌کی یاشاییچیلارا یتیریأر. بو آچ آچان بیر یاغدایدیر. ایسرائیل فلسطینلیلر بیلن دأل، حماس بیلن ساواشیاندیغینی آیدیار اِمما چئن بوُلان زات شو کی فلسطینلیلری بیله لیکده جزالاندیریار. بیز مونونگ دوروزیلماغینی ایسله یأریس. غزه ده انسانی تایدان اوُد آچیلشیغا بس اولغامینی ایسله یأریس و اوُرازا آیی مونونگ اۆچین اؤرأن قاوی پورصات بوُلوپ بیلر" دیدی.
بیرلشن میللتلر قوراماسی نینگ باشلیغی رمضان آییندا غزه ده بمباردیمان ینگ دوُوام اتمه گی نینگ اسلام دۆنیأسینه "اؤرأن اولی تأثیر قوُیجاقدیغینی" دا سؤزلرینه قوُشدی.
