فلیک: تۆرکیه بوُلماسا غزه اۆچین چؤزگۆت تاپماق قین بوُلار

آمریکانینگ آنکاراداقی ایلچیسی جف فلیک "تۆرکیه یالی گۆیچلی بؤلگه له‌یین (منطقه‌ای) بیر یورت بو ایشه قاریشماسا غزه ده چؤزگۆده قوُویشماق قین بوُلار" دیدی.

ام اس ان بی سی کانالیندا گۆررۆنگ برن جف فلیک تۆرکیأنینگ آمریکا بیلن قاتناشیقلاری، روسیا- اوکراینا ساواشینداقی توتومی و ایسرائیل ینگ غزه دأکی هۆجۆملرینه قارشی توتومی بیلن باغلانشیقلی بیانات بردی.

فلیک "دمیرقازیغیندا اوکراینادا ساواش بار. گۆن اوُرتادا غزه ده ساواش بار و تۆرکیه گؤنی شولارینگ اوُرتاسیندا. 97 گؤتریمی مسلمان بوُلان بیر یورت حؤکمۆنده اؤزلرینی فلسطینلیلره اؤرأن یاقین گؤریأرلر. شوُل سبأپلی ایسرائیل ینگ غزأ گیرمه گینی اولی تانقیت ادیأرلر. تۆرکیه گارانتور بوُلوپ پاراحاتچیلیق اۆچین ایش آلیپ بارجاقدیغینی آیتدی. تۆرکیه یالی بؤلگه له یین گۆیچلر بو ایشه قاریشماسا غزه ده چؤزگۆت تاپماق قین بوُلار" دیدی.

تۆرکیأنینگ اوکراینانینگ اؤزایغتیارینا قوُلداو بریأندیگینی آیدان فلیک، اوکراینانینگ تۆرکیه دن آلان اوچارمانسیز یاراغلی اوچارلار بیلنه روسیا قارشی اولی ایش آلیپ باراندیغینی نیغتادی.